Ame­ri­ka­nyň gün­ba­tar ke­nar­la­ryn­da ös­dü­ri­lip ýe­tiş­di­ril­ýän tä­sin mi­we­le­riň bi­ri-de paýn­ber­ri bo­lup, ta­ga­my hem-de reň­ki bi­len ta­pa­wut­lan­ýar. Ýer­tu­da­na­nyň çak­nyş­dy­ry­lan gör­nü­şi ha­sap­lan­ýan paýn­ber­ri­niň reň­ki ak, ga­by­gy­na ýa­py­şyp du­ran çi­git­le­ri gy­zyl bol­ýar. Şol se­bäp­li bu mi­we uzak­dan se­re­de­niň­de gül­gün öwüs­ýän ýa­ly gö­rün­ýär. Köp­ler paýn­ber­ri­niň ta­ga­my­ny ada­ty ýer­tu­da­na meň­zeş­dir öýd­ýär­ler. Ýö­ne bu mi­wä­niň ana­na­syň ta­ga­my­na we ysy­na meň­zeş öz­bo­luş­ly aý­ra­tyn­ly­gy bar.
Ýü­rek şe­kil­li ki­çi­jik mi­we­le­riň ulu­ly­gy 1,5-2,5 san­ti­met­re ýet­ýär. Mi­we örän ýum­şak we suw­ly bo­lan­dy­gy se­bäp­li çalt za­ýa­lan­ýar. Şonuň üçin ak ýer­tu­da­na­ny uzak ýo­la äki­dip bol­ma­ýar. Ýe­ti­şen paýn­ber­ri­ni so­wa­dy­jy­da doň­du­ryp sak­lap, iý­mez­den öň ýuw­mak iň go­wy usul­dyr. Ak ýer­tu­da­na­dan ter­li­gi­ne iýil­mek bi­len bir ha­tar­da, kok­teýl we go­ýy mi­we iç­gi­le­ri taý­ýar­la­nyl­ýar. Şeý­le hem süý­jü­lik­le­re, de­sert­le­re, gök önüm­ler­den taý­ýar­lan­ýan dür­li na­har­la­ra, du­za ýa­ty­ry­lan iş­däa­çar­la­ra hem-de et ma­ri­nad edi­len­de go­şul­ýar.
Köp­ler ta­ra­pyn­dan «al­bi­nos ýer­tu­da­na­sy» diý­lip at­lan­dy­ryl­ýan bu mi­we XXI asy­ryň ba­şyn­da ni­der­land bag­ban­la­ry ta­ra­pyn­dan Ýew­ro­pa ýurt­la­ryn­da hem ös­dü­ri­lip ýe­tiş­di­ri­lip baş­lan­ýar. Ada­ty ýer­tu­da­na ýa­ly ýe­re ýa­zy­lyp ös­ýän ösüm­li­giň bal­dak­la­ry­nyň uzyn­ly­gy 20-30 san­ti­met­re ýet­ýär. Gyz­gylt gül aç­ýan bu ösüm­lik ýyl­da bir ge­zek, ýag­ny maý-iýun aý­la­ryn­da ha­syl ber­ýär. Şol se­bäp­li bu mi­wä baş­ga­ça «iýun mi­we­si» hem di­ýil­ýär. ABŞ, Ang­li­ýa we Ger­ma­ni­ýa ýa­ly ýurt­lar­da res­to­ran­la­ra bar­ýan müş­de­ri­le­riň sar­gyt eden na­ha­ry­nyň gap­da­lyn­da bir bö­lek ak ýer­tu­da­na hem hödür edilýär. Bu bol­sa mi­wä­niň meş­hur­ly­gy­ny art­dyr­ýar.

Gyzykly bolup bilerЕЩЕ ОТ АВТОРА