Ispaniýanyň çempionatynda soňky çempion “Real Madrid” täze möwsüme ýeňiş bilen başlap bilmedi. Myhmançylykda “Malýorka” bilen duşuşan “Real Madrid” topary öňe saýlansa-da, bu üstünligini goramak olara başartmady. Oýnuň 13-nji minutynda Rodrigonyň ajaýyp goly bilen öňe geçen “Reala” ýer eýeleri Wedat Murikiniň 53-nji minutdaky goly bilen jogap berdi. Galan minutlarda-da hasap üýtgemedi. Duşuşygyň 90+7-nji minutynda Ferlan Mendi gyzyl kart aldy.
Netijede, duşuşyk 1-1 hasabynda deňlikde tamamlandy. “Real Madrid” Ançelottiniň tälimçiliginde ilkinji gezek 1-nji tapgyrda ýeňiş gazanyp bilmedi. Umumylykda “Real Madrid” “La Liganyň” taryhynda täze möwsüme 20-nji gezek deňlik bilen başlady. Olar şol möwsümleriň diňe 5-sinde çempionlyk gazandy.
“Real Madrid” topary “La Ligada” 33 oýundan bäri ýeňilmän gelýär (24 ýeňiş, 9 deňlik).
Ispaniýanyň çempionatynda möwsümiň ilkinji tapgyrynda “Barselona” myhmançylykda “Walensiýany” Duronyň (44) goluna garşy, Lewandowskiniň gollary (45+5, 49 p) esasy
nda 2-1 hasabynda ýeňiş gazandy. Şeýle-de, “Selta” öz meýdançasynda “Alawesi”, “Raýo Wallekano” hem myhmançylykda “Real Sosiedady” 2-1 hasaplar bilen ýeňdi. “La Ligada” oýnalan galan duşuşyklar bolsa deňlikde tamamlandy.
“La Ligada” 1-nji tapgyryň netijeleri:
“Atletik” – “Hetafe”: 1-1, “Betis” – “Žirona”: 1-1, “Selta” – “Alawes”: 2-1, “Las Palmas” – “Sewilýa”: 2-2, “Osasuna” – “Leganes”: 1-1, “Walensiýa” – “Barselona”: 1-2, “Real Sosiedad” – “Raýo Wallekano”: 1-2, “Malýorka” – “Real Madrid”: 1-1, “Walýadolid” – “Espanýol” (22:00), “Wilýarreal” – “Atletik” (00:30).
