Ginnesiň rekordlar kitabynyň web sahypasynda habar berilmegine görä, Saud Arabystanyly Ibragim Al-Naser 444 oýun konsolyny 1 telewizora birikdirmek arkaly täze dünýä rekordyny goýmagy başardy. Onuň kolleksiýasynda 1979-njy ýylyň “Magnavox Odyssey”-den başlap, 2023-nji ýylyň “PlayStation 5 Slim”-ine çenli dürli ýyllarda öndürilen ýüzlerçe konsol bolup, olaryň arasynda meşhur “Xbox 360” we “Nintendo Switch”, şeýle hem “Super A’Can” ýaly seýrek nusgalar hem bar. Al-Naser köp sanly adapterleri we geçirijileri ulanmak arkaly birnäçe oýun konsulyny telewizora birikdirmegi, şeýle hem ol “Excel”-de elektron tablisasyny döretmegi we tutuş ulgamy oňa girizmegi başardy. Telewizoryň ekranynda gerekli konsolyň görkezilmegi üçin haýsy düwmä basmalydygyny tablisadan bilip bolýar. Al-Naser bu konsollary her gezek täzeden birikdirmeli bolanynda rekord goýmak pikiri geldi. Şeýlelik bilen ol enjamlary yzygiderli çalşyp durmagyň ýerine, ählisini bir ulgama birikdirmek bilen Ginnesiň rekordlar kitabyna ýüz tutdy we Al-Naser ulgamynyň estetiki görnüşini saklamak bilen ähli simleri diýen ýaly gizlemegi başardy. Rekordçy ähli döwürleriň iň halanýan oýun konsoly bolan “Sega Genesis” ählisinden has gowy görýändigini aýdýar.
Mährem BABAMYRADOWA, TMÝG-nyň Hojambaz etrap Geňeşiniň Ýaşlar guramasynyň işjeň agzasy
