Dünýäniň iň garry erkek kişisi bolan Jon Tinniswud 112 ýaşyny doldurdy. 1912-nji ýylyň 26-njy awgustynda Angliýanyň Liwerpul şäherinde dünýä inen Tinniswud Ginnesiň rekordlar kitaby tarapyndan berlen şahadatnama bilen surata düşdi. Ol rekord kitabynyň wekilleri bilen gepleşende, näme üçin şeýle uzak ýaşandygy barada hiç hili pikiriniň ýokdugyny aýtdy. Ömrüniň dowamynda Liwerpul futbol toparynyň janköýeri bolan Tinniswud ýurduň Sautport şäherinde garrylar öýünde ýaşaýar. Ol şu ýylyň aprel aýynda 114 ýaşly ispaniýaly Huan Wisente Peres Moranyň aradan çykmagy bilen dünýäniň iň garry erkek kişisi bolupdy. Ýaş wagty işjeň durmuşda ýaşandygyny aýdan Tinniswud köp ýörändigini belleýär. Ol özüniň beýleki adamlardan o diýen tapawutly däldigini, her kimiň uzak ýa-da gysga ömür sürüp biljekdigini, munuň bilen bagly adamyň elinden gelýän zadyň ýokduguny belleýär. Tinniswud uzak ýaşamak barada aýratyn syr bilmeýändigini aýdýar.
Ol janköýerlik edýän “Liwerpul” futbol topary döredilenden 20 ýyldan soňra dünýä inipdir. Klubyň häzire çenli gazanan 66 kubogyndan ikisinden galanyny görüpdir. Ol diňe 1901-nji we 1906-njy ýyldaky liga çempionatlaryny görmändir.
Ol 1942-nji ýylda aýaly Blodwen bilen durmuş gurupdyr. 1943-nji ýylda Sýuzan atly gyzy dünýä inipdir. Aýaly 1986-njy ýylda aradan çykypdyr. Tinniswud “Shell” we BP nebit-gaz kompaniýalaryň buhgalter bolup işläpdir. 1972-nji ýylda pensiýa çykypdyr.
Tinniswud hepdäniň her anna güni balyk we kartoşka iýýändigini aýdyp, naharlanmak bilen bagly ondan başga endiginiň ýokdugyny belleýär. Ol edil beýleki adamlar ýaly, nahar dandamaýandygyny aýdýar. 2012-nji ýylda 100 ýaşyna ýeteli bäri, doglan günlerinde ýurduň Şa Zenany Elizabet II-den ýörite gutlag kartyny alyp başlapdyr. 2022-nji ýyldan bäri bolsa, oňa Patyşa III adyndan gutlag karty gelip gowuşýar.
Golaýda dünýäniň iň uly ýaşly zenany Mariýa Branýas Morera 117 ýaşynda aradan çykandan soňra bu at ýaponiýaly 116 ýaşly Tomiko Ituka geçipdi.
