Bi­lim ul­ga­myn­da hal­ka­ra hyz­mat­daş­ly­gy ös­dür­mek, ýo­ka­ry okuw mek­dep­le­rin­de ylym-bi­lim-önüm­çi­lik ara­bag­la­ny­şy­gy­nyň kä­mil usu­ly­ny dö­ret­mek, oba­se­na­gat top­lu­my üçin ýo­ka­ry bi­lim­li hü­när­men­le­ri taý­ýar­la­mak­da tej­ri­be alyş­mak öňü­miz­de goý­lan mö­hüm we­zi­pe­le­riň ha­ta­ryn­da dur­ýar. Bu ugur­da dur­mu­şa ge­çi­ril­ýän iş­ler ýur­du­my­zyň hü­när okuw mek­dep­le­ri­ni hal­ka­ra de­re­jä çy­kar­ma­ga, giň dün­ýä­ga­ra­ýyş­ly ýaş­la­ry ke­ma­la ge­tir­mä­ge uly müm­kin­çi­lik­le­ri dö­red­ýär.
Go­laý­da ýur­du­my­zyň bi­lim ul­ga­my­nyň we­ki­li­ýe­ti ABŞ-da res­mi sa­par­da bol­dy. Hä­zir­ki wagt­da dün­ýä­niň öň­de­ba­ry­jy ýo­ka­ry okuw mek­dep­le­ri­niň reý­ting­le­ri­ni düz­ýän hal­ka­ra mas­la­hat be­riş kom­pa­ni­ýa­la­ry­nyň düz­ýän sa­naw­la­ryn­da ABŞ-nyň ýo­ka­ry okuw mek­dep­le­ri öň­de­li­gi eýe­le­ýär.
Türk­men we­ki­li­ýe­ti ABŞ-nyň Döw­let de­par­ta­men­tin­de we beý­le­ki bir­nä­çe bi­lim eda­ra­la­ryn­da ne­ti­je­li gep­le­şik­ler ge­çir­di­ler. Mä­lim bol­şy ýa­ly, 2023-nji ýy­lyň 24-nji ap­re­lin­de ABŞ-nyň Döw­let de­par­ta­men­tin­de ge­çi­ri­len Türk­me­nis­ta­nyň we ABŞ-nyň ara­syn­da­ky iki­ta­rap­la­ýyn sy­ýa­sy ge­ňeş­me­le­riň do­ku­zyn­jy tap­gy­ry­nyň ne­ti­je­sin­de, Türk­me­nis­ta­nyň Hö­kü­me­ti bi­len ABŞ-nyň ara­syn­da bi­lim ul­ga­myn­da hyz­mat­daş­lyk bo­ýun­ça öza­ra dü­şü­niş­mek ba­ra­da­ky Äht­na­ma gol çe­ki­lip­di. Şol gün­den bä­ri iki­ta­rap­la­ýyn hyz­mat­daş­ly­gyň tä­ze nus­ga­sy or­naş­dy­ryl­dy.
Bu ge­zek­ki du­şu­şyk­da Türk­me­nis­tan­da Ame­ri­ka­nyň öň­de­ba­ry­jy ýo­ka­ry okuw mek­dep­le­ri­niň şa­ham­ça­la­ry­ny aç­mak ba­ra­da hem pi­kir al­şyl­dy. Şeý­le ädim iki­ta­rap­la­ýyn hyz­mat­daş­ly­gy güýç­len­di­rip, Türk­me­nis­ta­nyň ýo­ka­ry bi­lim ul­ga­my­nyň ös­me­gi­ne uly go­şant go­şar, ta­lyp­la­ra öň­de­ba­ry­jy bi­lim teh­no­lo­gi­ýa­la­ry­na we usul­la­ry­na el­ýe­ter­li­li­gi dö­re­der.
Bu sa­pa­ryň ne­ti­je­le­ri bo­ýun­ça ýur­du­my­zyň 3 sa­ny iri ýo­ka­ry okuw mek­dep­le­ri bi­len ABŞ-nyň ab­raý­ly Kent uni­wer­si­te­ti­niň ara­syn­da öza­ra dü­şü­niş­mek ha­kyn­da­ky äht­na­ma­la­ra gol çe­kil­di. Bu mö­hüm res­mi­na­ma Türk­me­nis­tan döw­le­ti­miz­den Hal­ka­ra yn­san­per­wer ylym­la­ry we ösüş uni­wer­si­te­ti, Türk­me­nis­ta­nyň Da­şa­ry iş­ler mi­nistr­li­giniň Hal­ka­ra gat­na­şyk­la­ry ins­ti­tu­ty hem-de Türk­men döw­let bi­na­gär­lik-gur­lu­şyk ins­ti­tu­ty go­şul­dy. Şeý­le res­mi­na­ma­lar okuw mak­sat­na­ma­la­ry­ny gi­ňelt­mä­ge, bi­le­lik­dä­ki bi­lim we ylym baş­lan­gyç­la­ry­ny dö­ret­mä­ge, şeý­le hem iki döw­le­tiň ara­syn­da me­de­ni alyş-çal­şy­gy­ny pug­ta­lan­dyr­ma­ga ýar­dam ed­ýär.
Dost­luk­ly döw­let­de ge­çi­ri­len ne­ti­je­li du­şu­şyk­lar hormatly Prezidentimiziň baş­tu­tan­ly­gyn­da bi­lim ul­ga­my­ny hal­ka­ra ül­ňü­le­re la­ýyk ge­tir­mek bo­ýun­ça al­nyp ba­ryl­ýan giň möç­ber­li iş­le­riň aý­dyň su­but­na­ma­sy­dyr. Bu ba­ra­da Türk­me­nis­ta­nyň Bi­lim mi­nistr­li­gi­niň web saý­ty ha­bar ber­ýär.

Sel­bi ÇER­KE­ZO­WA,
Ýagşygeldi Kakaýew adyndaky Halkara nebit we gaz uniwersitetiniň mugallymy.

Gyzykly bolup bilerЕЩЕ ОТ АВТОРА