Türk­men keş­de­çi­lik sun­ga­ty – mil­li mi­ra­sy­myz

Türk­me­nis­ta­nyň Ze­nan­lar bir­le­şi­gi­niň Mer­ke­zi ge­ňe­şi­niň, Türk­me­nis­ta­nyň Kär­deş­ler ar­ka­la­şyk­la­ry­nyň Mil­li mer­ke­zi­niň, ÝU­NES­KO-nyň iş­le­ri ba­ra­da Türk­me­nis­ta­nyň Mil­li to­pa­ry­nyň sek­re­ta­ria­ty­nyň hem-de Türk­me­nis­ta­nyň Te­le­wi­de­ni­ýe, ra­dio­gep­le­şik­ler we ki­ne­ma­tog­ra­fi­ýa ba­ra­da­ky döw­let ko­mi­te­ti­niň bi­le­lik­de yg­lan eden «Türk­men keş­de­çi­lik sun­ga­ty – mil­li mi­ra­sy­myz» at­ly bäs­le­şi­gi­niň je­mi jem­len­di.
Hal­ky­my­zyň me­de­ni mi­ra­sy­nyň gör­nük­li nus­ga­la­ry­nyň bi­ri bo­lan türk­men keş­de­çi­lik sun­ga­ty­nyň ÝU­NES­KO-nyň Adam­za­dyň mad­dy däl me­de­ni mi­ra­sy­nyň sa­na­wy­na gi­ri­zil­me­gi­ne ba­gyş­la­nyp ge­çi­ri­len bäs­le­şik ene-ma­ma­la­ry­myz­dan gel­ýän keş­de­çi­lik sun­ga­ty­ny my­na­syp do­wam et­dir­me­gi, ýaş­lar­da bu sun­ga­ta bo­lan söý­gi­ni art­dyr­ma­gy mak­sat edin­di.
«Pä­him-paý­has um­ma­ny Mag­tym­gu­ly Py­ra­gy» ýy­lyn­da hor­mat­ly Pre­zi­den­ti­mi­ziň pa­ra­sat­ly baş­tu­tan­ly­gyn­da ýur­du­myz­da hal­ky­my­zyň ta­ry­hy­nyň do­wa­myn­da dö­re­den mil­li gym­mat­lyk­la­ry­ny öw­ren­mek, me­de­ni mi­ra­sy­nyň esa­sy ugur­la­ry­ny gel­jek ne­sil­le­re ýe­tir­mek ug­run­da giň ge­rim­li iş­ler al­nyp ba­ryl­ýar. Ene-ma­ma­la­ry­myz türk­men ze­nan­la­ryn­da zäh­met­sö­ýer­li­gi, dog­ru­çyl­ly­gy, mert­li­gi, ulu­la­ra hor­mat goý­ma­gy ke­ma­la ge­ti­rip­dir­ler. Ça­ga­la­ra edep-ek­ram ter­bi­ýe­si­ni ber­mek­de, mil­li ah­lak ka­da­la­ry­nyň bir­kem­siz ber­jaý edil­me­gin­de we ola­ry ne­sil­den-nes­le ge­çir­mek­de türk­men ze­nan­la­ry­nyň or­ny örän ulu­dyr.
Bäs­le­şi­ge ýur­du­my­zyň we­la­ýat­la­ryn­da ýe­ňi­ji bo­lan ze­nan­la­ryň uly to­pa­ry gat­naş­dy. Olar hal­ky­my­zyň keş­de­çi­lik sun­ga­ty­nyň ta­ry­hy we aý­ra­tyn­lyk­la­ry ba­ra­da gür­rüň ber­mek bi­len, ýa­ka, tah­ýa, kür­te we beý­le­ki el iş­le­ri­ni keş­de­le­mek­de ukyp-ba­şar­nyk­la­ry­ny gör­kez­di­ler. Bäs­le­şi­giň ýe­ňi­ji­le­ri SMS-ha­bar­na­ma­la­ry esa­syn­da saý­lan­dy. Oňa la­ýyk­lyk­da, bi­rin­ji or­na Ma­ry, ikin­ji or­na Da­şo­guz we üçün­ji or­na Le­bap we­la­ýa­ty­nyň keş­de­çi ze­nan­la­ry my­na­syp bol­dular. Ýe­ňi­ji­le­re gym­mat ba­ha­ly sow­gat­lar we hor­mat hat­la­ry gow­şu­ryl­dy.

Mer­jen SUM­BA­RO­WA,
Türkmenistanyň Inžener-tehniki we ulag kommunikasiýalary institutynyň talyby.