Türk­me­nis­tan GDA-nyň mö­hüm ge­ňe­şi­ne baş­lyk­lyk eder

Go­laý­da paý­tag­ty­myz­da GDA-nyň Zäh­met, iş üp­jün­çi­lik we ila­ty dur­muş taý­dan go­ra­mak bo­ýun­ça mas­la­hat be­riş ge­ňe­şi­niň 37-nji mej­li­si ge­çi­ril­di. Bu mö­hüm mej­li­siň çäk­le­rin­de Türk­me­nis­tan Rus­si­ýa Fe­de­ra­si­ýa­syn­dan ge­ňe­şe baş­lyk­lyk et­me­gi res­mi taý­dan ka­bul et­di.
GDA-nyň Zäh­met, iş üp­jün­çi­lik we ila­ty dur­muş taý­dan go­ra­mak bo­ýun­ça mas­la­hat be­riş ge­ňe­şi oňa gat­na­şy­jy ýurt­la­ryň zäh­met we dur­muş ugur­la­ryn­da­ky ta­gal­la­la­ry­ny bir­leş­dir­mek üçin mö­hüm meý­dan­ça bo­lup dur­ýar. Onuň mej­lis­le­rin­de iş ba­za­ry, dur­muş we iş üp­jün­çi­li­gi, iş­gär­le­riň hu­kuk­la­ry­nyň go­ral­ma­gy, zäh­met çek­me­giň şert­le­ri ýa­ly me­se­le­ler ara al­nyp mas­la­hat­la­şyl­ýar. Ge­ňe­şiň ne­ti­je­li çöz­güt­le­ri GDA ýurt­la­ry­nyň döw­let sy­ýa­sa­ty­nyň ös­me­gi­ne uly tä­sir ed­ýär. Bu bol­sa Ar­ka­la­şy­gyň çä­gin­dä­ki hyz­mat­daş­lyk gat­na­şyk­la­ry­nyň çuň­laş­dy­ryl­ma­gyn­da mö­hüm tap­gyr bo­lup dur­ýar.
Aş­ga­bat­da ge­çi­ri­len GDA-nyň Zäh­met, iş üp­jün­çi­lik we ila­ty dur­muş taý­dan go­ra­mak bo­ýun­ça mas­la­hat be­riş ge­ňe­şi­niň 37-nji mej­li­si­niň do­wa­myn­da ýur­du­myz­da soň­ky bäş ýy­lyň do­wa­myn­da işe­wür-jem­gy­ýet­çi­lik ug­ry bo­ýun­ça ga­za­ny­lan mö­hüm üs­tün­lik­le­r be­ýan edil­di. Ila­ty go­ra­mak we sag­ly­gy go­ra­ýyş pu­dak­la­ry­na çyk­da­jy­la­ryň art­dy­ryl­ma­gy, şeý­le hem giň ge­rim­li şä­her­gur­lu­şyk tas­la­ma­la­ry­nyň dur­mu­şa ge­çi­ril­me­gi esa­sy ara al­nyp mas­la­hat­la­şy­lan me­se­le­le­riň bi­ri bol­dy.
Ar­ka­dag şä­he­rin­de 2023-nji ýyl­da gur­lu­şy­gyň bi­rin­ji tap­gy­ry­nyň çä­gin­de ýa­şa­ýyş jaý­la­ry, mek­dep­ler we sag­ly­gy go­ra­ýyş eda­ra­la­ry ýa­ly 336 sa­ny döw­re­bap bi­na ula­ny­şa be­ril­di. Ikin­ji tap­gy­ryň do­wa­myn­da sag­ly­gy go­ra­ýyş eda­ra­la­ry­nyň we jem­gy­ýet­çi­lik des­ga­la­ry­nyň gur­lu­şy­gy­nyň has gi­ňel­dil­me­gi göz öňün­de tu­tul­ýar.

Goç­my­rat HE­ZI­LOW,
Türkmenistanyň Inžener-tehniki we ulag kommunikasiýalary institutynyň talyby.