2000-nji ýylyň 31-nji oktýabrynda Halkara kosmos bekediniň ilkinji ekipažy “Soyuz TM-31” raketasy uçuryldy. Kosmos gämisiniň bortunda Ýuriý Gidzenko, Sergeý Krikalýow we Wilýam Şeperd bardy. Şondan bäri kosmos bekedi hemişe adamly bolup, yzygiderli ýük we “ýolagçy” gatnawy amala aşyrylýar. Kosmos bekedine hususy kosmos kompaniýalarynyň işläp taýýarlan kosmos gämileri hem uçurylýar. Ýeriň orbitasynda aýlanýan kosmos bekedi esasy iki bölekden – amerikan we rus böleginden ybaratdyr. Ol ýerde häzire çenli bu iki ýurduň raýatlaryndan başga-da ýapon, gazak, belarus, iňlis, ispan ýaly dürli milletleriň wekilleri kosmonawt/astronawt ýa-da syýahatçylyk maksatlary bilen boldular. Eýýäm 2001-nji ýylda amerikaly işewür Dennis Tito ol ýerde 8 güne golaý wagt galyp, dünýäde ilkinji kosmos syýahatçysy bolýar. Bu ýer, esasan, Ýeriň dartyş güýjüniň ýok ýerinde dürli tejribeleri we ylmy barlaglary geçirmekde peýdalanylýar.
