Italiýanyň çempionatynda tapgyryň merkezi oýnunda – “Milan” bilen “Ýuwentusyň” duşuşygyndan gol sesi eşidilmedi. Bu ýeňlişsiz ýoluny dowam edýän “Ýuwentusyň” 7-nji deňligidir. Soňky çempion “Inter” myhmançylykda “Weronanyň” derwezesinden jogapsyz 5 gol geçirdi. Gollaryň 5-si hem 1-nji ýarymda derwezä girizip, olaryň 2-sini Markus Turam öz adyna ýazdyrdy. “Napoli” hem öz meýdançasynda “Romany” geçen möwsümde paýtagtlylaryň düzüminde oýnan Romelu Lukakunyň ýeke-täk goly bilen 1-0 hasabynda utdy. “Atalanta” bolsa myhmançylykda “Parmany” 3-1, “Lasio” öz meýdançasynda “Bolonýany”, “Fiorentina” hem myhmançylykda “Komony” 2-0 hasaplar bilen ýeňip, utuklaryny 28-e çykardylar. 13-nji tapgyrdan soň “Napoliniň” 29, “Atalanta”, “Inter”, “Fiorentina”, “Lasio” toparlarynyň 28 utugy bolup, “Ýuwentus” 25 utuk toplady.
Werona – Inter: 0-5 (Korrea 17, Turam 22, 25, De Wreý 31, Wissek 41),
Milan – Ýuwentus: 0-0,
Parma – Atalanta: 1-3 (Kançelieri 49 – Retegi 4, Ederson 39, Lukman 75),
Jenoa – Kaliari: 2-2 (Frendrup 12, Miretti 59 – Marin 8 p, Pikkoli 88 p),
Komo – Fiorentina: 0-2 (Adli 20, Ken 68),
Torino – Monza: 1-1 (Masina 59 – Juriç 53),
Napoli – Roma: 1-0 (Lukaku 54),
Lasio – Bolonýa: 3-0 (Žigo 68, Zakkanýi 72, Dele-Başiru 90+2),
Empoli – Udineze: 1-1 (Pellegri 23 – Dewis 76),
Wenesiýa – Leççe: 0-1 (Dorgu 70)
