UEFA Çempionlar Ligasynda Niderlandlaryň Eýndhowen şäherinde ýerli PSW bilen Ukrainanyň “Şahtýor Donesk” klublary duşuşdy. Çekeleşikli geçen oýunda doneskliler 1-nji ýarymda Sykanyň 8-nji hem-de Zubkowyň 37-nji minutdaky gollary bilen 2-0 hasabynda öňe saýlandy. Emma 68-nji minutda Henrikeniň gyzyl kart almagy duşuşygyň ykbalyny kesgitledi. Ruhdan düşmedik eýndhowenliler 87-nji minutdan soň 3 gol geçirip, taryhy kembek bilen ýeňşini baýram etdi. Oýnuň 87-nji we 90-njy minutlarynda Malik Tillman tapawutlanyp, hasaby deňlese, 90+5 minutda Rikordo Pepi toparyna ýeňiş getiren oýunçy boldy. Çempionlar Ligasynyň taryhynda ilkinji gezek bir duşuşykda 87-nji minutda 2-0 yzda barýan topar 3-2 hasabynda ýeňiş gazandy.
