Ýaponiýaly meşhur futbolçy Žunitçi Inamoto 45 ýaşynda professional karýerasyny tamamlandygyny habar berdi. Ol ýurdunyň “Nankatsu” toparynda çykyş edip gelýärdi. Karýerasyna 1997-nji ýylda “Gamba Osaka” toparynda başlan ýaponiýaly ýarymgoragçy 2001-nji ýylda “Arsenal”, 2002-nji ýylda-da “Fulhama” kärendesine ugradylýar.
2004-2005-njy ýyllar aralygynda “West Bromwiç Albion” toparynyň köýnekçesini geýen Inamoto “Kardiff Siti” (2004-05), “Galatasaraý” (2006-07), “Aýntraht” (2007-09), “Renn” (2009-10) toparlarynda oýnap, 2010-njy ýylda Ýewropa futboly bilen hoşlaşýar.
Şondan soň ýurdunyň “Kawasaki Frontal” (2010-14), “Hokkaido Konsadole Sapporo” (2015-18), “Sagamihara” (2019-21) hem-de “Nankatsu” (2022-2024) toparlarynyň köýnekçelerini geýýär.
2000-2010-njy ýyllar aralygynda Ýaponiýanyň milli ýygyndysynda 82 duşuşyk geçiren Inamoto 5 gezek hem tapawutlanýar. Ol klublarda 549 oýunda 33 gol geçirýär. Inamoto Ýaponiýanyň ýygyndysy bilen 2000-nji ýylda Aziýanyň çempionlygyny gazanýar.
