Mundan 133 ýyl öň şu gün täze sport peýda bolýar. Asly kanadaly ABŞ-nyň raýaty bolan beden-terbiýe mugallymy Jeýms Neýsmit Massaçusetsdäki “Springfild” kolejinde ýagyşly güni okuwçylary bilen synpda oýun oýnaýar. Ol oýnuň düzgünini agaçdan ýasalan şetdaly salynýan gutularyň birini diwardan asyp, futbol topuny şoňa uzakdan oklamaly diýlip kesgitleýär. Diwaryň ýokary tarapynda, 3 metre golaý beýiklige goýlan sebetleriň içinde giren her top, el bilen çykarylýar. Ine, şeýlelikde, täze sport görnüşi peýda bolýar. Neýsmit soňlugy bilen, bu täze sporty kämilleşdirýär we oňa käbir düzgünleri girizýär.

Häzirki wagtda Olimpiýa oýunlarynyň hem maksatnamasynda bar bolan basketbol sporty bilen baglanyşykly ähli guramaçylyklara FIBA jogap berýär. Şu günki günde basketbol sporty bilen dünýäde millionlarça adam içgin gyzyklanýar.

Gyzykly bolup bilerЕЩЕ ОТ АВТОРА