Angliýanyň çempionatynda 18-nji tapgyrda sanawyň lideri “Liwerpul” öz meýdançasynda “Lester Sitini” 3-1 hasabynda ýeňmegi başardy. Duşuşykda myhmanlar Jordan Aýewiň 6-njy minutda geçiren goly bilen öňe saýlandy. Ýöne 1-nji ýarym tamamlanmanka ýer eýeleri hasaby deňläp ýetişdi. 45+1-nji minutda Kodi Gakpo ajaýyp gol bilen hasaby deňledi. 2-nji ýaryma-da gol bilen başlan “Liwerpul” Jonsuň 49-njy minutdaky takyk urgusy esasynda 2-1 hasabynda öňe geçdi. Duşuşygyň 82-nji minutynda-da toparynyň 3-nji goluny geçiren Mohamed Salah oýna soňky nokady goýdy. Şunlukda, “Liwerpul” 3-1 hasabynda ýeňiş gazanyp, 22 oýundan bäri ýeňlişsiz ýörişini dowam edýär (19 ýeňiş, 3 deňlik). Garşydaşlarynyň utuk ýitirmeginden soň “Liwerpul” bu ýeňiş bilen täzeden arany açyp başlady.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА