30-njy dekabrda ABŞ-nyň öňki Prezidenti Jimmi Karter 100 ýaşynda aradan çykdy. ABŞ-nyň häzirki Prezidenti Jozef Baýden we ýurduň saýlanan lideri Donald Tramp ýurduň 39-njy Prezidentiniň aradan çykmagyna gynanç bildirdiler. Karter 1977-nji ýylyň 20-nji ýanwaryndan 1981-nji ýylyň 20-nji ýanwary aralygynda ABŞ-nyň Prezidenti boldy.
Jimmi Karter Amerikanyň ähli Prezidentleriniň arasynda ömrüň dowamlylygy boýunça rekordy goýdy. Ol 2019-njy ýylyň 1-nji oktýabrynda 95 ýaşdan geçen ýeke-täk amerikan lideri boldy.
Jimmi Karter 1924-nji ýylda Jorjiýa ştatynda şepagat uýasynyň we orta derejeli fermer-telekeçiniň maşgalasynda dünýä inýär. Ol abraýly harby-deňiz akademiýasyny gutarandan soň, suwasty gämi flotuna gulluk edýär, ýöne kakasy aradan çykanlygy zerarly maşgalany dolandyrmak üçin öz dogduk ştatyna dolanmaly bolýar. Ilkibaşda Jorjiýa ştatynyň senatyna saýlanan Karter 1970-nji ýylda şol ştatyň gubernatory bolýar. 1976-njy ýylyň güýzünde geçirilen Prezident saýlawlarynda Demokratik partiýadan dalaşgär hödürlenip, Prezident Jerald Fordy ýeňýär.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА