Awst­ra­li­ýa­dan Ýew­ro­pa gon­maz­dan 17 sa­gat­lyk uçuş ama­la aşy­ryl­dy. “Quan­tas” awia­kom­pa­ni­ýa­sy­nyň “Boeing-787 Dream­li­ner” uça­ry Gün­ba­tar Awst­ra­li­ýa­nyň Pert şä­he­rin­den ho­wa­la­nyp, Be­ýik Bri­ta­ni­ýa­nyň Hit­rou ho­wa men­zi­li­ne gon­dy. Bu ta­ry­hy uçuş il­kin­ji ge­zek ama­la aşy­ryl­dy. 14,5 müň ki­lo­metr­lik ara­lyk bir dem­de di­ýen ýa­ly ge­çil­di. Uçarda 200 ýo­lag­çy­ we 16 eki­pa­ž bar­dy. Mun­dan soň­ra bu ugur­da­ky uçuş­la­ry yzy­gi­der­li ama­la aşyr­mak göz öňün­de tu­tul­ýar.

Ýa­po­ni­ýa­nyň Prem­ýer-mi­nist­ri Sind­zo Abe şu ýy­lyň 26-njy ma­ýyn­da Rus­si­ýa­nyň Mosk­wa hem-de Sankt-Pe­ter­burg şä­her­le­rin­de sa­par­da bo­lar. Bu ba­ra­da Rus­si­ýa Fe­de­ra­si­ýa­sy­nyň wi­se-prem­ýe­ri Ol­ga Go­lo­des Ýa­po­ni­ýa­nyň yk­dy­sa­dy­ýet, söw­da we se­na­gat mi­nist­ri Hi­ro­si­ge Se­ko bi­len bo­lan du­şu­şy­gyn­dan soň­ra ha­bar ber­di. Bu sa­par iki ýur­duň ara­syn­da­ky gat­na­şyk­la­ryň ýyg­jam­laş­dy­ryl­ma­gy­na müm­kin­çi­lik be­rer. 2017-nji ýyl­da Rus­si­ýa­nyň hem-de Ýa­po­ni­ýa­nyň li­der­le­ri 4 ge­zek du­şuş­dy.

“Le­go” ça­ga oý­na­wa­jyn­dan ýa­pon­la­ryň meş­hur “Toyo­ta Cam­ry” ula­gy ýa­sal­dy. “Le­go” bo­ýun­ça hü­när­men awst­ra­li­ýa­ly Ra­ýan Mak­not 500 müň sa­ny ku­bik bi­len 2 ton­na­dan gow­rak ag­ra­my bo­lan gyzyl reňkli bu ula­gyň hä­zir­ki za­man gör­nü­şi­ni ýa­sa­dy. Mu­nuň üçin 2 aý ge­rek bol­dy. Ol Mak­no­tyň Mel­burn şä­he­rin­dä­ki mu­ze­ýin­de ap­rel aýy­nyň ahy­ry­na çen­li köp­çü­li­ge gör­ke­zi­ler.

Hin­dis­tan­da di­ňe ze­nan­lar üçin aw­to­bus he­re­ket eder. Ýa­kyn wagt­da ýur­duň Ut­tar-Pra­deş şta­tyn­da ze­nan­la­ry gat­nad­ýan aw­to­bu­syň he­re­ket edip baş­lan­jak­dy­gy mä­lim edil­di. Bu ba­ra­da se­bi­tiň hö­kü­me­ti ha­bar ber­di. Şta­tyň baş mi­nist­ri Ýo­gi Adit­ýa­nat­hyň aýt­ma­gy­na gö­rä, bel­le­nen gat­naw ugur­la­ry bo­ýun­ça 50 sa­ny al reňk­li aw­to­bus di­ňe ze­nan­la­ra hyz­mat eder. 10 aw­to­bu­syň sü­rü­ji­si hem ze­nan bo­lar. Il­kin­ji gülgün reňk­li aw­to­bus 2017-nji ýyl­da gör­ke­zi­lip­di we se­bi­tiň hö­kü­me­ti ta­ra­pyn­dan tas­syk­lan­dy. Ulag so­wa­dy­jy we beý­le­ki teh­ni­ki ab­zal­lar bi­len ab­zal­laş­dy­ry­lan­dyr.

Uk­rai­na 2020-nji ýyl­dan baş­lap, te­bi­gy gaz eks­port et­mä­ge gi­ri­şer. Şon­dan soň­ra ýur­duň hö­kü­me­ti ra­ýat­la­ra be­ril­ýän te­bi­gy ga­zyň ba­ha­sy­ny öz­baş­dak kes­git­läp bi­ler. Bu ba­ra­da ýur­duň Prem­ýer-mi­nist­ri Wla­di­mir Groýs­man ha­bar ber­di. Uk­rai­na­nyň “Ukr­gaz­çy­ka­ryş” kom­pa­ni­ýa­sy 2017-nji ýyl­da te­bi­gy ga­zyň ön­dü­ri­li­şi­ni 700 mil­li­on kub­metr ýo­kar­lan­dyr­dy.

Ir­lan­di­ýa­nyň “Rya­na­ir” kom­pa­ni­ýa­sy Ýew­ro­pa­nyň bir­nä­çe şä­he­rin­den Uk­rai­na uçar gat­naw­la­ry­ny ýo­la go­ýar. Bu ba­bat­da kom­pa­ni­ýa­nyň ýe­ri­ne ýe­ti­ri­ji di­rek­to­ry Maýkl O’Liri bi­len Uk­rai­na­nyň Pre­zi­den­ti Pýotr Po­ro­şen­ko yla­la­şy­ga gel­di.
Kom­pa­ni­ýa­nyň ýol­baş­çy­sy Uk­rai­na ma­ýa goý­ma­gy me­ýil­leş­dir­ýän­dik­le­ri­ni, şu ýyl Ki­ýew­den 10, Lwow­dan 5 ugur bo­ýun­ça Ýew­ro­pa uçar gat­naw­la­ry­ny ýo­la goý­jak­dyk­la­ry­ny mä­lim et­di. Bu ugur­da­ky iş­ler güýç­li dep­gin­de do­wam et­di­ril­ýär. Şu ýy­lyň okt­ýabr aýyn­da “Bo­ris­pol” hem-de “Lwow” ho­wa men­zil­le­rin­den Bar­se­lo­na, Dýus­sel­dorf, Kra­kow, Lon­don, Stok­golm we beý­le­ki Ýew­ro­pa şä­her­le­ri­ne il­kin­ji uçuş­lar ama­la aşy­ry­lar.

Ka­tar bi­len Su­da­nyň ara­syn­da Gy­zyl deň­ziň ke­na­ryn­da­ky Sua­kin por­tu­nyň do­lan­dy­ryl­ma­gy ba­bat­da yla­la­şy­ga gol çe­kil­di. Ka­tar bu por­tuň dur­ku­ny döw­re­bap­laş­dyr­mak üçin 4 mil­liard dol­lar gö­nük­di­rer. Su­da­nyň iri port­la­ry­nyň bi­ri ha­sap­lan­ýan Sua­kiniň gur­lu­şy­gy 2020-nji ýyl­da ta­mam­la­nar. Onuň do­lan­dy­ry­lyş pa­ýy­nyň 51 gö­te­ri­mi Su­da­na, 49 gö­te­ri­mi Ka­ta­ra de­giş­li bo­lar.

Hy­ta­ýyň Mer­ke­zi ban­ky öz mil­li pul bir­li­gi ýu­an ar­ka­ly hal­ka­ra tö­leg ul­ga­my­nyň sy­nag iş­le­ri­niň ikin­ji tap­gy­ry­ny ama­la aşyr­dy. Bu ul­ga­my işe gi­riz­mek­dä­ki mak­sat hal­ka­ra tö­leg ul­ga­myn­da hy­taý pu­lu­ny ulan­ma­gy gol­da­mak­dan yba­rat. Hy­ta­ýyň hal­ka­ra tö­leg ul­ga­my­ny (CIPS) dur­mu­şa or­naş­dyr­mak üçin on­lar­ça hy­taý we da­şa­ry ýurt bank­la­ry gat­naş­ýar. 2015-nji ýyl­da gur­lan bu ul­ga­my döw­re­bap de­re­je­de do­wam et­dir­mek göz öňün­de tu­tul­ýar.

Şu ýy­lyň 11-nji ap­re­lin­de Azer­baý­jan Res­pub­li­ka­syn­da ge­çi­ril­jek Pre­zi­dent saý­law­la­ry­na 300-den gow­rak hal­ka­ra syn­çy­la­ryň gat­naş­ma­gy­na ga­ra­şyl­ýar. Ýur­duň mer­ke­zi saý­law to­pa­ry­nyň ha­bar ber­me­gi­ne gö­rä, Ýew­ro­pa­da Howp­suz­lyk we Hyz­mat­daş­lyk Gu­ra­ma­sy­nyň we Ga­raş­syz Döw­let­le­riň Ar­ka­la­şy­gy­nyň we­kil­le­ri ça­gy­ryl­dy. Şeý­le hem ses be­r­lişik gü­ni 55 müň ýer­li syn­çy he­re­ket eder. Saý­law­la­ra ýur­duň hä­zir­ki Pre­zi­den­ti Il­ham Ali­ýew bi­len bir ha­tar­da, 8 da­laş­gär gat­naş­ýar.

Gyzykly bolup bilerЕЩЕ ОТ АВТОРА