14 ada­da ýer­leş­ýän owa­dan şä­her

1

Ýew­ro­pa­nyň de­mir­ga­zyk şä­her­le­ri­niň bi­ri bo­lan Stok­golm şä­he­ri owa­dan te­bi­ga­ty, tä­sin ada­la­ry, reňk­li bi­na­la­ry we gyzykly däp­le­ri bi­len gö­ren­le­ri haý­ra­na goý­ýar. Bal­ti­ka deň­zin­dä­ki ar­hi­pe­lag­da ýer­leş­ýän Şwe­si­ýa­nyň paý­tagt şä­he­ri 14 ada­ny özün­de jem­le­ýär. Şol se­bäp­li bu şä­he­re baş­ga­ça «De­mir­ga­zy­gyň We­ne­si­ýa­sy» hem di­ýil­ýär.
Stok­golm şä­he­ri 1252-nji ýyl­da esas­lan­dy­ryl­ýar. XIII asy­ryň ahy­ryn­da şä­her­dä­ki sy­ýa­sy iş­jeň­lik ýo­kar­la­nyp, Şwe­si­ýa­nyň esa­sy şä­he­ri­ne öw­rül­ýär. 188 ine­dör­dül ki­lo­metr meý­da­ny eýe­le­ýän de­mir­ga­zyk şä­her­de to­mus aý­la­ry ys­sy we gi­je­le­rine ýag­ty bol­ýar. Gyş aý­la­ryn­da bol­sa ho­wa aşa sowuk bol­ýar. Stok­golm şä­he­ri güýz aý­la­ry has hem owa­dan gör­nü­şe eýe bol­ýar.
Şä­he­riň me­de­ni se­ýil­gäh­le­ri, ta­ry­hy ýer­le­ri we owa­dan kün­jek­le­ri dynç al­mak üçin aja­ýyp müm­kin­çi­lik­le­ri hö­dür­le­ýär. Şä­he­riň Waks­holm ada­syn­da ge­çen asyr­dan ga­lan agaç­dan gur­lan öý­le­r, ka­fe­dir res­to­ran­la­r ýerleşýär. XV asyr­da düý­bi tu­tu­lan «Royal Djur­gar­den» şä­her se­ýil­gä­hi hem-de «Skan­sen» üs­ti açyk mu­zeý hem şä­he­re bar­ýan sy­ýa­hat­çy­lar­da ýat­dan çyk­ma­jak duý­gu­la­ry dö­red­ýär. Stok­gol­ma bar­ýan sy­ýa­hat­çy­la­r şä­he­riň myh­man­sö­ýer hal­ky­nyň bar­dy­gy­ny bel­le­ýär­ler. Şä­he­riň 980 müň­den gow­rak ila­ty bo­lup, şwed hem-de fin dil­le­rin­de gep­leş­ýär­ler.
Stok­golm şä­he­ri dün­ýä de­re­je­sin­dä­ki mu­zeý­le­rin­den we ta­ry­hy taý­dan özü­ne çe­ki­ji köşk­le­rin­den baş­lap, ga­le­re­ýa­lardyr su­rat­keş­lik öý­le­ri­ne çen­li sun­ga­tyň hem-de me­de­ni­ýe­tiň aja­ýyp gör­nü­şi­ni hö­dür­le­ýär. Mil­li mu­zeý­de (Na­tio­nal­mu­se­um) XVI asy­ra de­giş­li heý­kel­ta­raş­lyk, su­rat we dür­li eser­le­ri öz içi­ne al­ýan tä­sir­li sun­gat ýy­gyn­dy­sy gör­ke­zil­ýär. Şä­her­de Şwe­si­ýa­nyň iň ussat di­zaý­ner­le­ri ta­ra­pyn­dan taý­ýar­la­nan ke­ra­mik ha­ryt­la­ryn­dan baş­lap, dür­li gör­nüş­li dok­ma önüm­le­ri­ni sat­ýan dü­kan­lar bar. Stok­gol­myň mer­ke­zi kö­çe­si «Strandvägen»-iň ug­run­da ýer­leş­ýän «Malms­ten­bu­ti­ken» we «Svenskt Tenn» di­zaýn muş­dak­la­ry üçin nus­ga­wy dü­kan­lar ha­sap­lan­ýar. Dü­kan­lar bi­len bir ha­tar­da Stok­gol­myň «süý­ji» ka­fe me­de­ni­ýe­ti hem bar. Süý­ji nyg­mat­lar bi­len ko­fe iç­me­gi aň­lad­ýan bu däp şwed­le­riň di­lin­de «fi­ka» diý­lip at­lan­dy­ryl­ýar. Bu däp ýer­li ka­fe­ler­de has meş­hur bo­lup, Stok­gol­ma bar­ýan sy­ýa­hat­çy­lar hök­ma­ny su­rat­da «süý­ji» ka­fe­ler­de myh­man­çy­lyk­da bol­ýar­lar.

Gyzykly bolup bilerЕЩЕ ОТ АВТОРА