Arassaçylyk – sagdyn durmuşyň kepili

Sag­lyk te­bi­ga­tyň yn­sa­na be­ren peş­ge­şi, yn­sa­nyň dur­mu­şyn­da­ky esa­sy gym­mat­lyk, adam be­de­ni­niň fi­zi­ki we ru­hy güýç­le­ri­niň ka­da­ly ýag­da­ýy bo­lup, yn­san üçin sag­lyk­dan uly baý­lyk ýok. Hormatly Prezidentimiziň ta­gal­la­sy bi­len Berkarar döwletiň täze eýýamynyň Galkynyşy döwründe ýur­du­myz­da bag­ty­ýar ra­ýat­la­ry­my­zyň sag­ly­gy ba­ra­da­ky ala­da döw­let de­re­je­si­ne çyk­dy, ýa­şaý­şy­my­za sag­dyn dur­muş ýö­rel­ge­si­ni çuň­ňur or­naş­dyr­mak äh­li­halk işi­ne öw­rül­di. Ýur­du­myz­da yg­lan edi­len «Sag­lyk» döw­let mak­sat­na­ma­nyň esa­sy öze­ni­ni tut­ýan iş­le­riň bi­ri-de türk­men dur­mu­şy­na sag­dyn dur­muş ýö­rel­ge­si­ni çuň­ňur or­naş­dyr­mak­dyr.

Türk­men hal­ky­nyň edim-gy­ly­my aras­sa­çy­ly­ga iň­ňän üns ber­ýän­di­gi bi­len hä­si­ýet­len­di­ril­ýär. Türk­men hal­ky­nyň mi­ra­sy­na ser sal­saň, muny her ädim­de gör­mek bol­ýar. Şeý­le hä­si­ýet­le­riň jem­len­me­gi bi­len, ir­ki dö­wür­ler­de hem dür­li ke­sel­le­riň ýaý­ra­ma­gyn­dan go­ra­nyp bi­lip­dir­ler. Aras­sa­çy­lyk ka­da­la­ry­ny ber­jaý et­mek en­di­gi­miz sag­ly­gy­my­zy go­ra­mak­da uly äh­mi­ýe­te eýe­dir. Eli­mi­zi wagt­ly-wag­tyn­da ýuw­mak bi­zi zy­ýan­ly mik­rob­la­ryň be­de­ni­mi­ze düş­me­gin­den go­ra­ýar. Daş çy­ky­lan­da eli­ňe zy­ýan­syz­lan­dy­ryş se­riş­de­le­ri­ni sep­me­giň hem mik­rob­lar­dan go­raý­jy­lyk äh­mi­ýe­ti bar­dyr.

Eli­ňi ýuw­ma­ga müm­kin­çi­lik bol­ma­dyk ýag­da­ýyn­da, zy­ýan­syz­lan­dy­ryş se­riş­de­si­ni ýa­ny­ňyz bi­len gö­ter­mek ar­ka­ly bu me­se­lä­ni ara­dan aý­ryp bi­ler­si­ňiz. Şeý­le-de şah­sy aras­sa­çy­ly­gy ber­jaý et­mek­de maş­ga­la ag­za­la­ry­nyň her bi­ri­niň aý­ra­tyn­lyk­da sü­pür­gi­ji­niň, el­ýag­ly­gy­nyň bol­ma­gy-da hök­man­dyr.

Iş ota­gy­ňy­zyň we öýüň içi­niň hem her gün ýe­le­ji­re­di­lip we yzy­gi­der­li tä­miz­le­nip du­rul­ma­gy, beý­le­ki aras­sa­çy­lyk ka­da­la­ry­nyň ber­jaý edil­me­gi ze­rur­dyr. Luk­man­lar tä­miz­leý­ji se­riş­de­ler ula­ny­lan­da, eli­ňi­ze ýö­ri­te aras­sa­çy­lyk çä­re­le­ri­ni ge­çir­mek üçin ni­ýet­le­nen el­lik­le­ri geý­me­gi mas­la­hat ber­ýär­ler. Aras­sa­çy­lyk ka­da­la­ry­nyň dog­ry we do­ly ýe­ri­ne ýe­ti­ril­me­gi sag­ly­gy­my­zy go­ra­ma­gyň iň yg­ty­bar­ly se­riş­de­le­ri­niň bi­ri­dir.

Her bir adam ka­da­ly iý­mit­len­mek bo­ýun­ça ze­rur bo­lan ýö­ne­keý düz­gün­le­ri bi­lip, ber­jaý et­mä­ge ça­lyş­ma­ly­dyr. Gök we bak­ja önüm­le­ri­ni köp­räk iý­me­li. Gök önüm­ler we mi­we­ler iýil­mez­den öň go­wy edip akar suw­da ýu­wul­ma­ly. Azyk önüm­le­ri, gap-ça­nak sak­la­nyl­ýan we na­har bi­şi­ril­ýän ýer­ler aras­sa bol­ma­ly­dyr.

Yn­san sag­ly­gy­ny baş döw­let ala­da­la­ry­nyň bi­ri hök­mün­de ile­ri tut­ýan Gah­ry­man Ar­ka­da­gy­my­za hem-de

Ar­ka­dag­ly Gah­ry­man Ser­da­ry­my­za sag­bol­sun aýd­ýa­rys. Goý,

Gah­ry­man Ar­ka­da­gy­my­zyň hem-de Ar­ka­dag­ly Gah­ry­man Ser­da­ry­my­zyň jan­la­ry sag, ömür­le­ri uzak, il-ýurt bäh­bit­li, döw­let äh­mi­ýet­li tu­tum­ly iş­le­ri he­mi­şe ro­waç bol­sun!

Pyhy PYHYÝEW,

Ahal welaýatynyň Kaka etrabynyň Arassaçylyk we

keselleriň ýaýramagyna garşy göreşmek gullugynyň

arassaçylyk-gigiýena bölüminiň müdiri.