Ýaş­la­ryň ýör­gün­li sport oýny

Soň­ky ýyl­lar­da ýaş­la­ryň ara­syn­da stol ten­ni­si ýör­gün­li sport oýun­la­ry­nyň bi­ri­ne öw­rül­di. Or­ta mek­dep­ler­de, dil mer­kez­le­rin­de we sport zal­la­ryn­da stol ten­ni­si bi­len meş­gul­lan­mak üçin ýö­ri­te meý­dan­ça­lar bar. Gy­zyk­ly hem-de çe­ke­le­şik­li geç­ýän stol ten­ni­si­ni oý­na­mak üçin mer­ke­zin­den tor çe­ki­len stol, ki­çi­jik top­ja­gaz we ra­ket­ka ge­rek. Oý­nuň düz­gü­ni­ne gö­rä, haý­sy ta­rap to­py ýe­re ga­çyr­sa ýa-da to­py tor­dan ge­çi­rip bil­me­se, şol hem ýe­ňil­ýär. Stol ten­ni­si iki­le­ýin (her ta­rap­da bir oýun­çy), jü­büt­le­ýin we ga­ry­şyk to­par­la­ryň ara­syn­da ge­çi­ril­ýär. Köp ýurt­da «ping-pong» ady bi­len ta­nal­ýan stol ten­ni­si Olim­pi­ýa spor­tu­nyň bir gör­nü­şi­dir.
Stol ten­ni­si ýa­pyk ýer­de oý­nal­ýan sport gör­nü­şi bo­lup, il­ki­baş­da Angli­ýa­da ýü­ze çyk­ýar. Hä­zir­ki wagt­da Hy­ta­ýyň mil­li sport gör­nü­şi ha­sap­lan­ýan stol ten­ni­si bi­len meş­gul­lan­ýan­lar sa­nar­dan köp. 1901-nji ýyl­da «ping-pong» ady bi­len stol ten­ni­si­niň en­jam­la­ry sa­ty­lyp baş­lan­ýar. Şol dö­wür­ler golf to­py sto­luň üs­tün­de ki­tap ýa-da ga­ty ka­gyz­lar bi­len ur­lup oý­na­lyp­dyr. Soň­lu­gy bi­len sto­luň üs­tün­den tor çe­ki­lip, ýö­ri­te top­ja­gaz we ra­ket­ka oý­la­nyp ta­pyl­ýar. 1902-nji ýyl­da Ang­li­ýa­nyň mil­li çem­pio­na­ty ge­çi­ril­mez­den ozal, köp san­ly stol ten­ni­si ýa­ryş­la­ry gu­ral­ýar. 1926-njy
ýyl­da stol ten­ni­si bo­ýun­ça il­kin­ji Dün­ýä çem­pio­na­ty ge­çi­ril­ýär we şol ýyl Hal­ka­ra stol ten­ni­si fe­de­ra­si­ýa­sy (ITTF) dö­re­dil­ýär. 1996-njy ýyl­da ze­nan­la­ryň ara­syn­da il­kin­ji ge­zek stol ten­ni­si bo­ýun­ça Dün­ýä çem­pio­na­ty ge­çi­ril­ýär. Oý­ny köp­çü­li­ge ta­nyş­dyr­mak hem-de meş­hur­ly­gy­ny art­dyr­mak mak­sa­dy bi­len, 2015-nji ýyl­da Bü­tin­dün­ýä stol ten­ni­si gü­ni yg­lan edil­ýär. Ýö­ri­te sto­luň üs­tün­de oý­nal­ýan ra­ket­ka oý­ny ün­sü­ňi bir ýe­re jem­le­mä­ge, şäh­di­ňi aç­ma­ga, ýa­daw­ly­gy aýyr­ma­ga we iş­jeň ýag­daý­da bol­ma­ga ýar­dam ed­ýär. Hü­när­men­ler stol ten­ni­si bi­len meş­gul­lan­ýan ça­ga­la­ryň be­den gur­lu­şy­nyň sag­dyn ös­ýän­di­gi­ni, çalt pi­kir­le­nip, ne­ti­je çy­kar­ýan­dy­gy­ny we sa­pak­la­ry ne­ti­je­li öz­leş­dir­ýän­di­gi­ni bel­le­ýär­ler.