Şweý­sa­ri­ýa­nyň Kan­derş­teg dag oba­syn­da dün­ýä­niň iň owa­dan köl­le­ri­niň bi­ri ýer­leş­ýär. Bern Alp dag­la­ry­nyň ga­ýa­la­ry­nyň ara­syn­da­ky bu kö­le Eşi­nen di­ýil­ýär. De­ňiz de­re­je­sin­den or­ta­ça 1578 metr be­lent­lik­de ýer­leş­ýän Eşi­nen kö­li dag ge­riş­le­ri­niň süýş­me­gi ne­ti­je­sin­de eme­le ge­lip­dir. Kö­lüň çuň­lu­gy 56 met­re, tut­ýan meý­da­ny 1,1 ine­dör­dül ki­lo­met­re ba­ra­bar. «Kan­derş­te­giň mer­je­ni» diý­lip ta­nal­ýan bu köl 2007-nji ýyl­da ÝU­NES­KO-nyň
Bü­tin­dün­ýä mi­ra­sy­nyň sa­na­wy­na gi­ri­zil­di.
Şweý­sa­ri­ýa­nyň iň uly dag kö­li gün­do­gar­da we gü­nor­ta­da 3 müň metr­lik Frýun­den­horn we Dol­den­horn dag­la­ry bi­len gur­şal­ýar. Göm-gök suw­ly köl howanyň maýlap başlamagy bi­len, buz­luk­la­ryň ere­me­gi ne­ti­je­sin­de suw­dan dol­ýar. Eşi­nen kö­li süý­ji suw­ly bo­lup, iç­mä­ge ýa­ram­ly ha­sap­lan­ýar. Köl­den göz­baş al­ýan Eşibah dag der­ýa­sy Kan­derş­teg oba­sy­nyň ila­ty­ny içim­lik su­w bi­len üp­jün ed­ýär.
Eşi­nen kö­li gaý­ta­lan­ma­jak gö­zel­li­ge eýe­dir. Bu ýer­de sy­ýa­hat­çy­lar üçin ni­ýet­le­nen iki myh­man­ha­na, res­to­ran­lar, güý­men­je we yl­gaw meý­dan­ça­sy bar. Kan­derş­teg dag oba­syn­dan Eşi­nen kö­lü­ne py­ýa­da ýa-da gon­do­la lif­ti (ýa­pyk ka­bi­na­ly as­ma ýol) ar­ka­ly ba­ryp bol­ýar. To­mus möw­sü­min­de oba bi­len kö­lüň ara­syn­da elekt­rik­li aw­to­bus hem hyz­mat ed­ýär. Kö­lüň ke­na­ryn­da be­ýik dag ýo­lun­da ýö­re­me­gi ha­la­ýan­lar üçin 1800 metr be­lent­lik­dä­ki «Frün­denschnur» ýo­da­sy bar. Bu ge­çel­ge kö­lüň da­şyn­dan aý­la­nyp ge­ze­lenç et­mä­ge müm­kin­çi­lik ber­ýär. Süý­ji we so­wuk su­wy bi­len ta­nal­ýan Eşi­nen kö­lü­nde tom­su­na su­wa dü­şüp bol­ýar. Şeý­le-de ga­ýyk­ly ge­ze­lenç et­mek is­le­ýän­ler üçin ki­re­ýi­ne ga­ýyk hem be­ril­ýär.
So­wuk se­bit­de ýer­leş­ýän­di­gi­ne ga­ra­maz­dan, Eşi­nen kö­li o di­ýen doň­ma­ýar. Şol se­bäp­li gyş pas­ly­nyň bel­li bir ara­ly­gyn­da kö­lüň üs­tün­de typ­ma­ga rug­sat be­ril­me­ýär. Ho­wa­nyň so­wuk­ly­gy­na we ga­ryň ýag­şy­na gö­rä, kö­lü­ň üs­tün­de buz­ly meý­dan­ça­lar açyl­ýar. 2020-nji ýyl­dan bä­ri kö­lüň gy­ra­syn­da­ky ge­ze­lenç et­mek üçin ni­ýet­le­nen ýo­da dag­dan gaýd­ýan daş düş­me­le­ri se­bäp­li do­ly ýa­pyl­dy. Eşi­nen kö­lü­ne her ýyl ýüz müň­den gow­rak sy­ýa­hat­çy bar­ýar.

Gyzykly bolup bilerЕЩЕ ОТ АВТОРА