Döw­let­li iş­leri halka ge­ňeş­mek ata-ba­ba­la­ry­myz­dan gel­ýän ýol-ýö­rel­ge­dir. Mil­li de­mok­ra­tik däp­le­riň nus­ga­sy­ny özün­de jem­le­ýän Türk­me­nis­ta­nyň Halk Mas­la­ha­ty bol­sa şeý­le asyl­ly ýol-ýö­rel­gä­ni dur­mu­şa ge­çir­ýän iň ýo­ka­ry we­kil­çi­lik­li eda­ra­dyr. Onuň no­bat­da­ky mej­li­si­ne taý­ýar­lyk iş­le­ri gu­ra­ma­çy­lyk­ly al­nyp ba­ryl­ýar.
Ata-ba­ba­la­ry­myz­dan mi­ras ga­lan döw­let­li­lik ýö­rel­ge­le­ri­ne yg­rar­ly ag­zy­bir hal­ky­myz Gah­ry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň da­şy­na mä­käm je­bis­le­şip, be­ýik gel­je­gi­ni gur­ýar. Ga­raş­syz, he­mi­şe­lik Bi­ta­rap Türk­me­nis­tan jem­gy­ýet­çi­lik dur­mu­şyn­da be­lent sep­git­le­ri, uly üs­tün­lik­le­ri ga­za­nyp, sy­ýa­sy dur­nuk­ly­ly­ga, ru­hy we me­de­ni ösü­şe ynam­ly ga­dam ur­ýar. Ýur­du­myz ylym-bi­lim ulgamyn­da, sag­ly­gy go­ra­ýyş­da, yk­dy­sa­dy­ýet­de, oba ho­ja­ly­gyn­da, me­de­ni­ýet­de, sun­gat­da, hu­kuk we ka­nun­çy­lyk ul­gam­la­ryn­da uly üs­tün­lik­le­re we ro­waç­lyk­la­ra eýe bol­ýar. Hal­ky­myz mil­li de­mok­ra­ti­ýa­nyň da­ba­ra­lan­ýan za­ma­na­syn­da ýa­şa­ýar. Şeý­le ta­ry­hy dö­wür­de ýur­du­myz­da ga­za­ny­lan be­lent sep­git­ler Gah­ry­man Ar­ka­da­gy­my­zyň kö­ňül mak­sa­dyn­dan dö­rän be­ýik iş­le­riň je­mi­dir.
Türk­men döw­le­ti­niň ber­ka­rar­ly­gy­nyň syn­maz sü­tü­ni bo­lan mu­kad­des Ga­raş­syz­ly­gymyzyň to­ýy buý­san­ja bes­len­ýär. Ata-ba­ba­la­ry­my­zyň yh­la­syn­dan boý alan ar­zuw da­rag­ty­na 35 ýyl dol­ýar. Ga­raş­syz­ly­gy­my­zyň şan­ly to­ýu­nyň da­ba­ra­lan­ýan gün­le­rin­de paý­tag­ty­myzda ge­çi­ril­jek Türk­me­nis­ta­nyň Halk Mas­la­ha­ty­nyň no­bat­da­ky mej­li­si­ne ýur­du­my­zyň äh­li se­bit­le­rin­de ýo­ka­ry de­re­je­de taý­ýar­lyk gö­rül­ýär.
Ýur­du­myz­da Halk Mas­la­ha­ty­nyň he­re­ket et­me­gi eziz Di­ýa­ry­my­zyň döw­let hem-de jem­gy­ýet­çi­lik sy­ýa­sy gur­lu­şy­nyň bar­ha kä­mil­leş­ýän­di­gi­ni, mil­li ýö­rel­ge­le­riň öz be­ýa­ny­ny tap­ýan­dy­gy­ny ala­mat­lan­dyr­ýar.
Türk­me­nis­ta­nyň Halk Mas­la­ha­ty halk hä­ki­mi­ýe­ti­niň ýo­ka­ry we­kil­çi­lik­li eda­ra­sy­dyr. Esa­sy Ka­nu­ny­myz­da bel­le­ni­li­şi ýa­ly, Türk­me­nis­tan de­mok­ra­tik, hu­kuk we dün­ýe­wi döw­let­dir. 2023-nji ýy­lyň 21-nji ýan­wa­ryn­da «Türk­me­nis­ta­nyň Halk Mas­la­ha­ty ha­kyn­da» Türk­me­nis­ta­nyň Kons­ti­tu­si­on ka­nu­ny­nyň ka­bul edil­me­gi we Türk­me­nis­ta­nyň Halk Mas­la­ha­ty­nyň dö­re­dil­me­gi di­ňe bir Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de däl, eý­sem, ýur­du­my­zyň ta­ry­hyn­da mö­hüm wa­ka bol­dy hem-de tä­ze sa­hy­pa­ny aç­dy.
Türk­me­nis­ta­nyň Halk Mas­la­ha­ty tä­ze ta­ry­hy eý­ýam­da be­lent mak­sat­ly iş­le­riň üs­tün­lik­li ama­la aşy­ryl­ma­gyn­da hal­kyň ag­zy­bir­li­gi­ne, bi­te­wü­li­gi­ne, je­bis­li­gi­ne bil bag­la­ýar hem-de ony has-da ber­kit­me­gi baş mak­sat hök­mün­de kes­git­le­ýär. Ila­ty­my­zyň giň gat­lak­la­ry­nyň mö­hüm jem­gy­ýet­çi­lik-sy­ýa­sy çöz­güt­le­riň ka­bul edil­me­gi­ne gat­naş­ma­gy­ny üp­jün et­mek mak­sa­dy bi­len, halk hä­ki­mi­ýe­ti­niň ýo­ka­ry we­kil­çi­lik­li eda­ra­sy bo­lan Türk­me­nis­ta­nyň Halk Mas­la­ha­ty­na uly orun de­giş­li bo­lup dur­ýar. Ýo­ka­ry de­re­je­de ge­çi­ril­jek Halk Mas­la­ha­ty il-ýurt äh­mi­ýet­li iş­le­riň üs­tün­lik­li ama­la aşy­ryl­jak­dy­gy­nyň aý­dyň ke­pi­li­dir.
Türk­me­nis­ta­nyň Halk Mas­la­ha­ty­nyň 23-nji sent­ýabr­da ge­çi­ril­jek no­bat­da­ky mej­li­sin­de ka­bul edil­jek mö­hüm çöz­güt­le­riň hem ka­rar­la­ryň ýe­ri­ne ýe­ti­ril­me­gi­ne sal­dam­ly go­şant goş­mak her bi­ri­mi­ziň bor­ju­myz­dyr. Mil­li fo­rum­da ila­tyň dür­li gat­lak­la­ry­nyň giň­den we­kil­çi­lik et­me­gi, er­kin pi­kir alyş­mak we jem­gy­ýet­çi­lik pi­ki­ri­ne esas­lan­ýan de­giş­li ka­rar­la­ryň ka­bul edil­me­gi Halk Mas­la­ha­ty­nyň işi­niň öze­ni bo­lan de­mok­ra­tik ýö­rel­ge­le­re, ata-ba­ba­la­ry­my­zyň köp­çü­lik­le­ýin pi­kir alyş­mak hem-de döw­let, jem­gy­ýet üçin mö­hüm ka­rar­la­ry ka­bul et­mek ba­ra­da­ky paý­has­ly däp­le­ri­ne we­pa­ly­ly­gy­ tas­syk­la­ýar. Bu ýyl hem il-gü­nüň bäh­bit­le­ri­ne gö­nük­di­ri­len, dur­nuk­ly ösü­şiň äh­li ugur­la­ry­ny öz içi­ne al­ýan wa­jyp me­se­le­ler ara al­nyp mas­la­hat­la­şy­lar, mil­le­tiň yk­ba­ly­na oňyn tä­sir ed­ýän anyk ka­rar­lar­dyr çöz­güt­ler ka­bul edi­ler. Bu bol­sa ýurdumyzyň ösüş­le­riň be­lent sep­git­le­ri­ne ýet­me­gi­ne uly iter­gi be­rer.

Şöhle AKJAÝEWA,
Türkmen döwlet binagärlik-gurluşyk institutynyň mugallymy.

Gyzykly bolup bilerЕЩЕ ОТ АВТОРА