Sy­ýa­sat­çy we žur­na­list, “Ult tag­dy­ry” (Mil­le­tiň yk­ba­ly) mil­li wa­tan­çy­lyk he­re­ke­ti­niň da­laş­gä­ri Amir­jan Ko­sa­now 16,02 ses bi­len ikin­ji or­ny eýe­le­di. “Ak ýol” de­mok­ra­tik par­ti­ýa­sy­nyň da­laş­gä­ri Da­ni­ýa Ýes­pa­ýe­wa ses­le­riň 5,2 gö­te­ri­mi­ne eýe bol­dy. “Auyl”(Oba) Halk-de­mok­ra­tik wa­tan­çy­lyk par­ti­ýa­sy­nyň da­laş­gä­ri To­leu­taý Ra­him­be­kow ses­le­riň 3,2 gö­te­ri­mi­ne, Ga­za­gys­ta­nyň prof­so­ýuz fe­de­ra­si­ýa­sy­nyň we­ki­li Aman­gel­di Tas­pi­how ses­le­riň 2,07 gö­te­ri­mi­ne, Kom­mu­nis­tik halk par­ti­ýa­sy­nyň da­laş­gä­ri Jam­byl Ah­met­be­kow ses­le­riň 1,82 gö­te­ri­mi­ne we žur­na­list Sa­di-Bek Tu­gel ses­le­riň 0,02 gö­te­ri­mi­ne eýe bol­dy.
Mag­lu­mat­la­ra gö­rä, Ga­za­gys­tan­da ge­çi­ri­len sy­ýa­sy çä­rä saý­law­çy­la­ryň 77,4 gö­te­ri­mi gat­na­şyp­dyr. Ýurt­da 12 mil­li­on tö­we­re­gi ada­myň ses ber­mä­ge hu­ku­gy bar. 1-nji ap­rel­däki mag­lu­mat­la­ra gö­rä, ýur­duň ila­ty 18,5 mil­li­on ada­ma deň. Ga­za­gys­ta­nyň Kons­ti­tu­si­ýa­sy­na la­ýyk­lyk­da, ýur­duň Pre­zi­den­ti ses ber­li­şik esa­syn­da 5 ýyl­lyk möh­let bi­len saý­lan­ýar.
19-njy mart­da ýur­duň il­kin­ji Pre­zi­den­ti Nur­sul­tan Na­zar­ba­ýew – Mil­le­tiň li­de­ri iş­den gid­ýän­di­gi­ni mä­lim edip­di. Şon­da ýur­duň Par­la­men­ti­niň ýo­ka­ry pa­la­ta­sy­nyň baş­ly­gy Ka­sym-Jo­mart To­ka­ýew ýur­duň tä­ze Pre­zi­den­ti we­zi­pe­si­ne bel­le­nip­di, çün­ki ol döw­let­de we­zi­pe de­re­je­si bo­ýun­ça ikin­ji or­ny eýe­le­ýär­di. 20-nji mart­da Ka­sym-Jo­mart To­ka­ýew Pre­zi­den­tiň we­zi­pe­si­ne gi­ri­şip­di. Ol we­zi­pe­si­ne gi­ri­şen­den üç hep­de soň, no­bat­dan da­şa­ry Pre­zi­dent saý­law­la­ry­nyň 9-njy iýun­da ge­çi­ril­jek­di­gi­ni mä­lim edip­di. Ol saý­law­la­ryň öň ýa­nyn­da­ky mak­sat­na­ma­syn­da Nur­sul­tan Na­zar­ba­ýe­wiň ba­şy­ny baş­lan özgertmelerini do­wam et­dir­jek­di­gi­ni söz ber­di.
Şan­haý Hyz­mat­daş­lyk Gu­ra­ma­sy­nyň syn­çy­la­ry Ga­za­gys­tan­da ge­çi­ri­len Pre­zi­dent saý­law­la­ry­nyň ýur­duň ka­nun­la­ry­na hem-de öz üs­tü­ne alan hal­ka­ra borç­na­ma­la­ry­na do­ly la­ýyk gel­ýän­di­gi­ni tas­syk­la­dy­lar. Şeý­le hem ŞHG-niň syn­çy­lar to­pa­ry ýurt­da ge­çi­ri­len saý­law­lar­da hiç hi­li düz­gün bo­zul­ma­la­ryň bol­man­dy­gy­ny bel­le­di­ler.
Mer­ke­zi saý­law ko­mis­si­ýa­sy­nyň mä­lim eden ne­ti­je­le­ri bi­len ta­nyş bo­lan Ka­sym-Jo­mart To­ka­ýew özü­ne bil­di­ri­len ynam üçin Ga­za­gys­ta­nyň hal­ky­na ho­şal­lyk bil­dir­di. Ol mun­dan beý­läk Na­zar­ba­ýe­wiň ýol­baş­çy­lyk eden döw­rün­de ga­za­ny­lan uly üs­tün­lik­le­ri go­ra­ma­ga gö­nük­di­ri­len iş­le­ri do­wam et­dir­jek­di­gi­ni bel­läp geç­di. Ol saý­law­la­ryň ada­lat­ly, er­kin, de­mok­ra­tik ýö­rel­ge­le­re la­ýyk­lyk­da geç­me­gi üçin äh­li çä­re­le­riň ber­jaý edi­len­di­gi­ni bel­läp geç­di. To­ka­ýew hö­kü­me­tiň dü­zü­mi­ne tä­ze iş­gär­le­riň hem-de ýaş­la­ryň çe­kil­jek­di­gi­ni ha­bar ber­di. Ka­sym-Jo­mart To­ka­ýew döw­le­tiň kuw­wa­ty­ny ber­kit­mek, jem­gy­ýet­de pa­ra­hat­çy­ly­gy we ag­zy­bir­li­gi go­rap sak­la­mak, hal­kyň ýa­şa­ýyş-dur­mu­şy­nyň ýo­ka­ry de­re­je­si­ni üp­jün et­mek, ra­ýat­la­ryň iş­le­me­gi üçin ze­rur şert­le­ri dö­ret­mek, so­si­al ada­lat­ly­ly­gy ber­kit­mek, ki­çi we or­ta biz­ne­si gol­da­mak ýa­ly ugur­la­ra özü­niň aý­ra­tyn äh­mi­ýet ber­jek­di­gi­ni bel­le­di. To­ka­ýew mu­nuň üçin ýurt­da özgertmeleri ge­çir­me­giň ze­rur­dy­gy­ny, onuň ker­wen­ba­şy­sy­nyň hem di­ňe ýaş­lar­dy­gy­ny öňe sür­di. Ol: – Bi­ziň mak­sa­dy­myz – ösen ada­lat­ly döw­let – di­ýip bel­le­di.
ABŞ-ly syn­çy­lar bu saý­law­la­ryň Ga­za­gys­ta­nyň sy­ýa­sy taý­dan ösü­şin­de uly ädim bol­jak­dy­gy­na ynam bil­dir­di­ler. Ne­ti­je­de, bi­ler­men­ler Ga­za­gys­tan­da ge­çi­ri­len Pre­zi­dent saý­law­la­ry­nyň ýur­duň ge­çen ýo­lun­da ta­ry­hy wa­ka bo­lup, tä­ze eý­ýa­ma ga­dam bas­jak­dy­gy­ny bel­läp geç­di­ler. Ka­sam ka­bul ediş da­ba­ra­sy 12-nji iýun­da ge­çi­ril­di. Döw­let ýol­baş­çy­sy­nyň çy­ky­şy “Akor­da” re­zi­den­si­ýa­syn­da boldy.
Ýurt­da döw­let iş­gä­ri hök­mün­de giň­den ta­nal­ýan Ka­sym-Jo­mart To­ka­ýew 1953-nji ýy­lyň 17-nji ma­ýyn­da Ga­za­gys­ta­nyň Al­ma-Ata şä­he­rin­de dün­ýä in­ýär. Ol 1994-2007-nji ýyl­lar ara­ly­gyn­da ýur­duň da­şa­ry iş­ler mi­nist­ri, 1999-2002-nji ýy­llar ara­ly­gyn­da Ga­za­gys­tan Res­pub­li­ka­sy­nyň Prem­ýer-mi­nist­ri, 2011-2013-nji ýyl­lar­da BMG-niň Že­ne­wa­da­ky bö­lü­mi­niň baş di­rek­to­ry bo­lup iş­le­ýär. Ol 2013-nji ýy­lyň 16-njy okt­ýab­ryn­dan 2019-njy ýy­lyň 20-nji mar­ty­na çen­li ara­lyk­da Ga­za­gys­tan Res­pub­li­ka­sy­nyň Parlament se­na­ty­nyň baş­ly­gy we­zi­pe­sin­de iş­le­ýär. Ol sy­ýa­sy ylym­la­ryň dok­to­ry­dyr. Ol ga­zak­ça, rus­ça, iň­lis­çe, hy­taý­ça er­kin gür­läp, fran­suz di­li­ni hem bil­ýär.

Gyzykly bolup bilerЕЩЕ ОТ АВТОРА