16-njy ýan­war­da Rus­si­ýa­nyň döw­let Du­ma­sy ýur­duň Fe­de­ral sal­gyt gul­lu­gy­nyň baş­ly­gy Mi­ha­il Mi­şus­ti­niň Rus­si­ýa­nyň Prem­ýer-mi­nist­ri we­zi­pe­si­ne da­laş­gär­li­gi­ni tas­syk­la­dy. Açyk ses ber­li­şik­de onuň da­laş­gär­li­gi­ne 383 we­kil (85%) ses be­rip, di­ňe 41 deputat ses ber­mek­den sak­lan­dy. “Ýe­di­na­ýa Ros­si­ýa” we “Spra­wed­li­wa­ýa Ros­si­ýa” par­ti­ýa­la­ry­nyň we­kil­le­ri Mi­şus­ti­niň da­laş­gär­li­gi­ni bi­ra­gyz­dan ma­kul­la­dy­lar.

Mun­dan ozal hö­kü­me­te ýol­baş­çy­lyk eden Dmit­riý Med­we­dew ýurduň Pre­zi­den­tiniň Kons­ti­tu­si­ýa üýt­ge­şik­lik gi­riz­mek ba­ra­da­ky tek­li­bi­ne sal­gy­la­nyp, Mi­nistr­ler Ka­bi­ne­ti­niň äh­li ag­za­la­ry­nyň işin­den çe­kil­jek­di­gi­ni mä­lim etdi. Şondan soňra Russiýanyň Prezidenti Wla­di­mir Pu­tin tä­ze Prem­ýer-mi­nist­r wezipesine Mihail Mişustini da­laş­gär görkezip, ony ­döw­let Du­ma­sy­nyň ga­ra­ma­gy­na hö­dür­le­di.

Mi­hail Mi­şus­tin 1966-njy ýy­lyň 3-nji mar­tyn­da Mosk­wa­da do­gul­dy. Ol 1989-njy ýyl­da Mosk­wa­nyň döw­let teh­no­lo­gi­ýa uni­wer­si­te­ti – Stan­ki­ni ta­mam­la­ýar. 1998-nji ýyl­da döw­let işi­ne çe­ki­lip, Döw­let sal­gyt gul­lu­gy­nyň baş­ly­gy­nyň orun­ba­sa­ry we­zi­pe­si­ni eýe­le­ýär. 1999-njy ýyl­dan 2004-nji ýy­la çen­li sal­gyt we ýy­gym bo­ýun­ça mi­nist­riň orun­ba­sa­ry, soň­ra bol­sa, Goz­gal­ma­ýan em­lä­gi bel­li­ge al­mak bo­ýun­ça Fe­de­ral agent­li­giň ýol­baş­çy­sy bol­ýar.

Mi­ha­il Mi­şus­tin 2007-2008-nji ýyl­lar­da Aý­ra­tyn yk­dy­sa­dy zo­lak­la­ry do­lan­dyr­mak bo­ýun­ça Fe­de­ral agent­li­ge ýol­baş­çy­lyk ed­ýär. Ol 2008-nji ýy­lyň mar­tyn­da bol­sa, “UFG As­set Ma­na­ge­ment” kom­pa­ni­ýa­lar to­pa­ry­nyň ýol­baş­çy­sy bol­ýar. Mi­şus­tin 2010-njy ýy­lyň 6-njy ap­re­lin­den bä­ri Fe­de­ral sal­gyt gul­lu­gy­na ýol­baş­çy­lyk edip gel­ýär. Onuň ýol­baş­çy­ly­gyn­da ama­la aşy­ry­lan teh­no­lo­gik çöz­güt­ler, sal­gyt­la­ry tö­le­me­giň usul­la­ry­ny has-da ýe­ňil­leş­dir­di. Sal­gyt gul­lu­gy­nyň saý­tyn­da on­lar­ça elekt­ron hyz­mat­lar iş­le­ýär. Oňa 23 mil­li­on­dan gow­rak adam bel­li­ge al­nyp, ola­ryň ýa­rym mil­li­on­dan gow­ra­gy te­le­ke­çi­ler, 200 müň­den gow­ra­gy hem kom­pa­ni­ýa­lar­dan yba­rat­dyr. Hyz­mat­lar äh­li sal­gyt me­se­le­le­ri­ni “on­laýn” ar­ka­ly çöz­mä­ge müm­kin­çi­lik ber­ýär.

Tä­ze Prem­ýer-mi­nistr – yk­dy­sa­dy ylym­la­ryň dok­to­ry, IV de­re­je­li “Wa­tan öňün­de bi­ti­ren hyz­mat­la­ry üçin” Hor­mat ny­şa­ny­nyň eýe­si­dir.

Gyzykly bolup bilerЕЩЕ ОТ АВТОРА