Şwe­si­ýa­nyň paý­tag­ty Stok­golm “Smart City Expo” hal­ka­ra kong­re­sin­de daş­ky gur­şa­wy go­ra­mak, san­ly teh­no­lo­gi­ýa­ny or­naş­dyr­mak we hal­kyň mad­dy üp­jün­çi­li­gi­ni ýo­kar­lan­dyr­mak ba­bat­da 2019-njy ýyl­da dün­ýä­niň iň “akyl­ly” şä­he­ri bol­dy. Bu ýer­de Ýew­ro­pa­nyň “GrowS­mar­ter” tas­la­ma­sy­nyň çäk­le­rin­de bir­nä­çe iş­ler al­nyp ba­ryl­ýar. Elekt­rou­lag­lar­y we we­lo­si­ped­le­ri ulan­mak şä­he­riň ýa­şaý­jy­la­ry­nyň dur­mu­şy­na berk or­naş­dy.

26-njy ýan­war­da Hin­dis­tan ýurt­da Kons­ti­tu­si­ýa­sy­nyň güý­je gi­ren gü­nü­niň 70 ýyl­ly­gy­ny – Res­pub­li­ka Gü­nü­ni bel­läp geç­di. Nýu-De­li­niň Raj­path şa­ýo­lun­da ge­çi­ri­len ýö­ri­şe hä­zir­ki za­man har­by teh­ni­ka­la­ry­na erk ed­ýän saý­la­ma es­ger­ler, dü­ýe­li go­şun we beýleki to­par­la­r gat­naş­dy. Bra­zi­li­ýa­nyň Pre­zi­den­ti Ža­ir Bol­so­na­ru çä­rä­niň hor­mat­ly myh­ma­ny bol­dy. Ýö­riş­den soň­ra ge­çi­ri­len awia­gör­ke­ziliş­de Hin­dis­ta­nyň har­by ho­wa güýç­le­ri­niň tä­ze di­ku­çar­la­ry gör­ke­zil­di.

Is­pa­ni­ýa kö­mür elekt­rik be­ket­le­rin­den alyn­ýan ener­gi­ýa­dan do­ly daş­laş­ma­gy me­ýil­leş­dir­ýän il­kin­ji Ýew­ro­pa ýur­dy bol­ma­gy mak­sat edin­ýär. “Bu­si­ness In­si­der” saý­ty­nyň mag­lu­mat­la­ry­na gö­rä, Is­pa­ni­ýa­da soň­ky 40 ýy­lyň do­wa­myn­da kö­mür­den alyn­ýan elekt­rik ener­gi­ýa­sy­nyň pa­ýy 5 gö­te­ri­me çen­li aza­lyp­dyr. 2025-nji ýy­la çen­li ýurt­da şeý­le be­ket­le­riň di­ňe bi­ri­niň iş­le­me­gi, 2027-nji ýyl­da bol­sa do­ly bes edil­me­gi me­ýil­leş­di­ril­ýär.

Bol­ga­ri­ýa­nyň şu ýy­lyň ba­ha­ryn­da ýew­ro­zo­la­ga gir­mek me­ýil­le­ri we 2023-nji ýyl­da ýew­ro­ny res­mi wal­ýu­ta hök­mün­de ka­bul et­me­gi bo­lup bil­jek ýag­daý di­ýip, Hal­ka­ra Pul Gaz­na­sy­nyň ýol­baş­çy­sy Kris­ta­li­na Ge­or­gi­ýe­wa mä­lim et­di. Onuň söz­le­ri­ne gö­rä, Ýew­ro­pa­nyň mer­ke­zi ban­ky­nyň baş­ly­gy Kris­ti­na La­gard hem Bol­ga­ri­ýa­nyň ýew­ro­zo­la­ga gir­mek üçin ed­ýän ta­gal­la­la­ry­ny ma­kul­la­ýar.

Go­laý­da Weng­ri­ýa­nyň Es­ter­gom şä­he­rin­de ýer­leş­ýän Su­zu­ki za­wo­dyn­da gib­rid ulag­la­ry ön­dü­ri­lip baş­lan­dy. Bu ulag hä­zir­lik­çe di­ňe ýew­ro­pa­ly aly­jy­lar üçin ni­ýet­le­nen­dir. Gel­jek­de ada­ty ýan­gyç­ly aw­tou­lag­la­ryň önüm­çi­li­gi do­ly ýa­ty­ry­lyp, 100 gö­te­ri­me çen­li gib­rid aw­tou­lag­la­ry ön­dür­mek me­ýil­leş­di­ril­ýär. Şeý­le ky­sym­ly il­kin­ji aw­tou­lag­lar eý­ýäm ýur­duň söw­da mer­kez­le­rin­de peý­da bo­lup, Ýew­ro­bi­le­le­şi­giň beý­le­ki ýurt­la­ryn­da hem sa­ty­lyp baş­la­nar.

Hy­taý­da dün­ýä­niň iň uly we iň duý­gur ra­dio­te­les­ko­py ha­sap­lan­ýan FAST gu­tar­nyk­ly işe gi­ri­zil­di. Ol kos­mo­syň köp san­ly syr­la­ry­ny aç­ma­ga müm­kin­çi­lik be­rer di­ýip, bi­ler­men­ler aýd­ýar­lar. Dia­met­ri 500 met­re deň bo­lan ägirt uly ta­rel­ka gör­nüş­li te­les­kop te­bi­gy çö­ket­lik­de ýer­leş­ýär. Te­les­ko­pyň aý­na­sy 4500 sa­ny aý­ry öý­jük­ler­den yba­rat. Onuň gur­lu­şy­gy­na 2011-nji ýyl­da gi­ri­şi­lip, 2016-njy ýyl­da sy­nag gö­zeg­çi­lik­le­ri baş­la­dy.

Ka­ta­ryň emi­ri Ta­mim ben Ha­mad al-Ta­ni ýur­duň Prem­ýer-min­ist­ri Ab­dal­la ben Na­ser al-Ta­ni­niň iş­den çe­kil­me­gi­ni ka­bul et­di. Emir­li­giň hö­kü­met ýol­baş­çy­sy içe­ri iş­ler mi­nist­ri we­zi­pe­si­ni hem ýe­ri­ne ýe­tir­ýär­di. Ol 61 ýa­şyn­da bo­lup, Prem­ýer-mi­nist­riň we­zi­pe­si­ni 2013-nji ýyl­dan bä­ri eýe­läp gel­ýär­di. Tä­ze Prem­ýer-mi­nistr we­zi­pe­si­ne Ha­led ben Ha­lif al-Ta­ni bel­len­di.

29-njy ýan­war­da Hin­dis­ta­nyň Kal­kut­ta şä­he­rin­de 44-nji hal­ka­ra ki­tap ser­gi­si açyl­dy. Ýur­duň ne­şir­ýat iş­gär­le­ri we ki­tap söw­da­gär­le­ri ta­ra­pyn­dan gu­ra­lan bu çä­rä mil­li we hal­ka­ra ne­şir­ýat­çy­la­r gat­naş­ýar. Kal­kut­ta şä­he­ri özü­niň baý me­de­ni­ýe­ti, ta­ry­hy we öz­bo­luş­ly däp-des­sur­la­ry bi­len giň­den ta­na­lyp, mil­li­on­lar­ça oky­jy­la­ry we ki­tap sö­ýü­ji­le­ri bir ýe­re jem­le­ýär. Ser­gi 9-njy few­ra­la çen­li do­wam ed­ýär.

Gyzykly bolup bilerЕЩЕ ОТ АВТОРА