Wezipesine girişdi. 13-nji mart­da Gre­si­ýa­nyň tä­ze saý­la­nan 13-nji Pre­zi­den­ti Ka­te­ri­na Sa­kel­la­ro­pu­lu we­zi­pe­si­ne gi­ri­şdi. Ol şu ýy­lyň 22-nji ýan­wa­ryn­da Gre­si­ýa­nyň mej­li­si ta­ra­pyn­dan Pre­zi­dent Pro­ko­pis Paw­lo­pu­lo­syň ýe­ri­ne saý­lan­dy. Ka­te­ri­na Sa­kel­la­ro­pu­lu 2018-nji ýy­lyň okt­ýabr aýyn­dan bä­ri Döw­let ge­ňe­şi­niň hem-de Gre­si­ýa­nyň ýo­ka­ry do­lan­dy­ryş ka­zy­ýe­ti­niň baş­ly­gy ýa­ly we­zi­pe­ler­de iş­le­di. Ol ýurt­da bu we­zi­pä­ni eýe­län il­kin­ji ze­nan­dyr.

Ýurduň täze Premýer-ministri. Uk­rai­na­nyň Ýo­ka­ry ge­ňe­şi (par­la­ment) ýur­duň Jem­gy­ýet we se­bit­le­riň ösü­şi bo­ýun­ça mi­nist­ri hem-de wi­se-prem­ýe­riň we­zi­pe­le­ri­ni ýe­ri­ne ýe­ti­ren De­nis Şmy­ga­ly Uk­rai­na­nyň Prem­ýer-mi­nist­ri we­zi­pe­si­ne saýlady. De­giş­li ka­ra­ra 291 de­pu­tat ses ber­di. Ýur­duň ozal­ky Prem­ýer-mi­nist­ri Alek­seý Gon­ça­ruk 3-nji mart­da işin­den çe­kil­di. Ol ge­çen ýy­lyň 29-njy aw­gus­tyn­dan bä­ri hö­kü­me­te ýol­baş­çy­lyk ed­ýär­di.

Kasam kabul etdi. 9-njy mart­da Ow­ga­nys­ta­n Yslam Respublikasynyň tä­ze möh­le­te saý­la­nan Pre­zi­den­ti Aş­raf Ga­ni­niň ka­sam ka­bul ediş­lik da­ba­ra­sy Ka­bu­lyň Arg köş­gün­de ge­çi­ril­di. Da­ba­ra hö­kü­met ag­za­la­ry, we­la­ýat we­kil­le­ri we da­şa­ry ýurt­la­ryň il­çi­le­ri gat­naş­dy­lar. Ýurt­da Pre­zi­dent saý­law­la­ry 28-nji sent­ýabr­da ge­çi­ril­di. Bäş aý­dan soň Ow­ga­nys­ta­nyň ga­raş­syz saý­law to­pa­ry Aş­raf Ga­ni­ni ýe­ňi­ji di­ýip yg­lan et­di. Saý­law­lar­da Aş­raf Ga­ni ses­le­riň 50,64%-ine, Prem­ýer-mi­nistr Ab­dul­la Ab­dul­la bol­sa 39,52%-ine eýe bol­updy.

“Ali­ba­ba”-nyň eýesi öňde. Hy­taý kor­po­ra­si­ýa­sy “Ali­ba­ba”-ny esas­lan­dy­ry­jy Jek Ma Azi­ýa­nyň iň baý ada­my bol­dy. “Bloom­berg”-iň ha­ba­ry­na gö­rä, ol “Re­li­ance In­dust­ri­es” hin­di hol­din­gi­niň eýe­si Mu­keş Am­ba­ni­den hem öňe ge­çdi. Mag­lu­mat­la­ra gö­rä, Jek Ma­nyň baý­ly­gy 44,5 mil­liard dol­la­ra deň we dün­ýä­dä­ki iň baý adam­la­ryň sa­na­wyn­da 18-nji or­ny eýe­le­ýär. “Ali­ba­ba Group” 1999-njy ýyl­da Jek Ma ta­ra­pyn­dan esas­lan­dy­ryl­dy. Ol Hy­ta­ýyň iri in­ter­net kom­pa­ni­ýa­sy bo­lup, elekt­ron söw­da­sy pu­da­gyn­da iş alyp bar­ýar.

Zähmet agentliginiň karary. Ger­ma­ni­ýa Fe­de­ra­tiw Res­pub­li­ka­syn­da şu aýyň ba­şyn­dan baş­lap, tä­ze ka­nu­na la­ýyk­lyk­da, da­şa­ry ýurt­lu­lar, ýag­ny Ýewropa Bileleşigine gir­me­ýän döwletleriň ra­ýat­lary bu ýur­duň ra­ýat­la­ry bi­len deň de­re­je­de işe ýer­le­şip başla­dy­lar. Tä­ze ka­nun ka­bul edil­mez­den ozal, ýurt­da di­ňe kä­bir ze­rur hü­när­le­re is­leg bil­di­ri­lip­di. Ýö­ne ýur­duň Fe­de­ral zäh­met agentligi Ýewropa Bileleşiginiň ra­ýat­la­ry işe al­nan­da, ola­ryň ar­tyk­maç­lyk­la­ry­nyň ile­ri tu­tul­jak­dy­gy ba­ra­da­ky düz­gü­ni soň­ra ýa­tyr­dy.

Yk­dy­sa­dy­ýet mi­nistr­le­ri­niň ýyg­na­gy. 8-nji mart­da Wýet­na­myň Da­nang şä­he­rin­de Gü­nor­ta-Gün­do­gar Azi­ýa döw­let­le­ri­niň bi­le­le­şi­gi­ne (ASEAN) ag­za ýurt­la­ryň yk­dy­sa­dy­ýet mi­nistr­le­ri­niň ýyg­na­gy ge­çi­ril­di. Oňa bi­le­le­şi­giň mü­di­ri­ýe­ti­niň we­kil­le­ri, gu­ra­ma­nyň mas­la­hat be­riş ge­ňe­şi we ýo­ka­ry de­re­je­li myh­man­lar gat­naş­dy­lar. Mas­la­hat­da dür­li me­se­le­ler ara al­nyp mas­la­hat­la­şyl­dy, şeý­le-de, 2020-nji ýyl­da, Wýet­na­myň ASEAN-a ýol­baş­çy­lyk ed­ýän wag­tyn­da dur­mu­şa ge­çi­ril­jek köp san­ly ka­rar­lar ka­bul edil­di.

“Sau­di Aramco” önümçiligini artdyrar. Sa­ud Ara­bys­ta­ny­nyň döw­let ne­bit kom­pa­ni­ýa­sy “Sau­di Aramco” ap­rel aýyn­da müş­de­ri­le­ri­ne her gün­de 12,3 mil­li­on bar­re­le çen­li ne­bit ug­rat­jak­dy­gy­ny mä­lim et­di. OPEK-iň her aý­da ber­ýän ha­sa­ba­ty­na gö­rä, Sa­ud Ara­bys­ta­ny ýan­war aýyn­da her gün­de 9,7 mil­li­on bar­rel ne­bit ön­dür­di. Sa­ud Ara­bys­ta­ny özü­niň önüm­çi­lik kuw­wa­ty­nyň bir gün­de 12 mil­li­on bar­re­le ba­ra­bar­dy­gy­ny ha­bar ber­ýär. Pa­ty­şa­ly­gyň äti­ýaç­lyk gor­la­ryn­da ze­rur­lyk ýü­ze çy­kan ha­la­tyn­da, ula­nyl­ma­gy göz öňün­de tu­tul­ýan on­lar­ça mil­li­on bar­rel ne­bit bar.

Baýden öňe saýlanýar. ABŞ-nyň öň­ki wi­se-pre­zi­den­ti Jo Baý­den, 3-nji mart­da ge­çi­ri­len saý­law­la­ryň bi­rin­ji tap­gy­ry­nyň ne­ti­je­le­ri­ne gö­rä, öz or­nu­ny ber­kit­me­gi ba­şar­dy. Ol Aý­da­ho, Mis­si­si­pi, Mis­su­ri we Mi­çi­gan­da ýe­ňiş ga­zan­dy. Şu gü­ne çen­li Jo Baý­den De­mok­ra­tik par­ti­ýa­nyň mil­li kong­re­si­ne 836 de­le­gat ýyg­nan bol­sa, onuň ýe­ke-täk bäs­de­şi, Ber­ni San­ders, 670 we­ki­liň gol­da­wy­na eýe bol­dy. ABŞ-da Pre­zi­dent saý­law­la­ry şu ýy­lyň no­ýab­r aýyn­da ge­çi­ril­er.

Gyzykly bolup bilerЕЩЕ ОТ АВТОРА