UEFA Çempionlar ligasynyň çärýek finalynda “Bawariýadan” 8–2, taryhy hasap bilen utulan “Barselona” topary tälimçi Kike Setieni wezipesinden boşatdy. Şu ýylyň 13-nji ýanwarynda Ernest Walwerdeniň ornuna tälimçilige bellenen Setien 25 oýunda 16 ýeňiş gazandy. “Barselona” onuň tälimçiliginde 5 oýunda deňme-deň oýnap, 5 oýunda-da utuldy. Setien “Barselonada” 218 gün işläp, ol 2003-nji 148 günde wezipesinden boşadylan Radomir Antiçden soň şu asyrda katalonlarda iň az işlän 2-nji tälimçi boldy. 12 ýyldan soň möwsümi kuboksyz tamamlan katalonlar täze tälimçiniň kim boljakdygy häzirlikçe nämälim. Ýöne ispan metbugatynda çykan habarlara görä, häzirki wagtda Niderlandlaryň ýygyndysyna tälim berýän Ronald Kumanyň bu wezipä bellenmegine garaşylýar.
