Koreýa Respublikasynyň dünýä belli K-Pop topary BTS-iň täze aýdymy “YouTube” platformasynda rekord goýdy. Toparyň tutuşlygyna iňlis dilindäki ilkinji eseri – “Dynamite” atly aýdymynyň şekilli aýdymyna 24 sagatda 100 milliondan köp tomaşa edildi. Bu ugurda ozalky rekord başga K-Pop topary “Blackpink”-iň “How You Like That” atly şekilli aýdymyna degişlidi (86,3 million gezek tomaşa edildi). Galyberse-de, BTS-iň Dynamite atly şekilli aýdymy ilkinji gezek görkezilýän pursatlarynda-da ýagny “YouTube Premiere”-de hem 3 milliondan köp tomaşa edildi we bu babatda rekord goýuldy.
