To­mus­ky dynç alyş möw­sü­mi ta­mam­la­nyp bar­ýar. Dynç alyş möw­sü­min­de ge­çen okuw ýy­lyn­da ge­çi­len ders­le­ri gaý­ta­la­dyk, çe­per eser­le­ri oka­dyk, tä­ze dost­lar tu­tun­dyk, se­ýil­gäh­ler­de dynç al­dyk, sport bi­len meş­gul­lan­dyk, oba dur­mu­şy bi­len ta­nyş­dyk. Küşt­dür şaş­ka oý­na­ma­gy öw­re­nen, su­rat çe­ken, goş­gy ýa­zan hem bar­dyr. In­di bol­sa mek­de­be git­me­giň wag­ty ge­lip ýet­di. Okuw baş­la­maz­dan ozal ter­tip-düz­gü­ne has köp üns ber­me­li, wag­tyn­da ýa­typ, wag­tyn­da tur­ma­ly. Se­bä­bi, okuw ýy­ly baş­lan­soň, mek­de­be git­mez­den ozal ýu­w­nup, iýip-içip, geý­nip ýe­tiş­me­li. Her gün öý iş­le­ri­mi­zi ýe­ri­ne ýe­tir­me­li, er­tir­ki sa­pa­ga taý­ýar­lyk gör­me­li. Eý­sem, tä­ze okuw ýy­ly­na girişmek, sa­pak­lar­dan has ýo­ka­ry ne­ti­je al­mak üçin nä­hi­li taý­ýar­lyk gör­me­li?! Ge­liň, şo­la­ra se­re­de­liň!

Sa­naw dü­züň!
Mek­dep üçin ge­rek­li okuw es­bap­la­ry­na se­re­diň, ola­ryň sa­na­wy­ny taý­ýar­laň! Äh­li es­bap­la­ryň bar­dy­gy­ny ýa-da ýok­du­gy­ny bar­laň! To­mus­ky dynç alyş möw­sü­min­de ýe­ri­ne ýe­ti­ril­me­gi üçin ber­len ýu­muş­la­ra se­re­diň, ola­ra gaý­ta­dan göz gez­di­riň! Häzirki wagtda dün­ýä­de ýü­ze çy­kan çylşyrymly ýag­daýlar bilen baglanyşykly mu­gal­ly­my­ňy­zyň goş­ma­ça ta­lap­la­ry bol­ma­gy müm­kin. Öňün­den ha­bar­la­şyp, mu­ňa ta­ýyn­lyk gö­rüň! Eli­ňi­zi we ýü­zü­ňi­zi aras­sa sak­la­mak üçin ýantor­ba­ňyz­da an­ti­bak­te­ri­al sü­pür­giç­le­riň bol­ma­gy­nyň si­ziň sa­gly­gy­ňyz üçin äh­mi­ýet­li­di­gi­ni unut­maň! Äh­li za­dy jem­lä­ni­ňiz­den soň­ra, sa­na­wy­ňy­za se­re­dip, kem­çi­lik bar­dy­gy­ny ýa-da ýok­du­gy­ny gö­rüň! Ýet­mez­çi­lik bar bol­sa, ene-ata­ňy­za duý­du­ryň!

Oka­mak üçin ýer ta­ýyn­laň!
Asu­da ýer taý­ýar­la­nan­da ders­le­ri has ne­ti­je­li öw­re­nip bo­lar. Ders­le­ri­ňi­ze taý­ýar­lan­ýan ota­gy­ňy­zy, sto­luňy­zy, ki­tap tek­jä­ňi­zi we beý­le­ki okuw es­bap­la­ry­ny aras­sa­laň! Ge­rek­me­jek zat­la­ry aý­ryň! Müm­kin­çi­lik bol­sa, sto­lu­ňy­zyň ýe­ri­ni üýt­ge­diň! Em­ma onuň ýag­ty ýer­de dur­ma­ly­dy­gy­ny unut­maň! Ota­ga pen­ji­re­den ýag­ty­lyk düş­se sag­ly­gy­ňyz üçin hem peý­da­ly­dyr. Şol se­bäp­li ota­gy­ňyz­da­ky zat­la­ry ýer­leş­di­re­ni­ňiz­de pen­ji­rä­niň öňü­ni ýap­maz­ly­ga üns be­riň!

Me­ýil­na­ma taý­ýar­laň!
Gün­de­lik et­me­li iş­le­ri­ňiz, oka­ma­ly ki­tap­la­ry­ňy­za de­giş­li jed­wel ta­ýyn­laň! Jed­wel edil se­ne­na­ma ýa­ly bo­lup, on­da gün­de­lik et­me­li we eden iş­le­ri­ňi­zi ýa­zyp bi­ler­si­ňiz! Bu jed­we­liň taý­ýar gör­nü­şi­niň bol­şy, ony özü­ňiz hem taý­ýar­lap bi­ler­si­ňiz. Mu­nuň üçin dep­der (su­rat al­bo­my hem bo­lup bi­ler) ruç­ka we çyz­gyç ýe­ter­lik. Jed­wel si­ziň gü­nüň, hep­dä­niň ýa-da aýyň do­wa­myn­da et­me­li iş­le­ri­ňi­zi bir ýer­de jem­läp, ýat­dan çy­kan zat­la­ry ýat­lat­ma­ga kö­mek eder.

Gör­nüş­le­ri­ne gö­rä bö­lüň!
Ki­tap­la­ry­ňy­zy we beý­le­ki zat­la­ry­ňy­zy ýer­leş­di­re­ni­ňiz­de ola­ry ugur­daş gör­nüş­le­re gö­rä to­par­la­ra bö­lüň! Bel­lik­le­ri­ňi­zi, okuw ders­le­ri­ne de­giş­li ki­tap­la­ry, okuw­dan daş­ga­ry öz­baş­dak oka­ýan ki­tap­la­ry­ňy­zy, dep­der­le­ri, su­rat al­bo­my­ny we beý­le­ki uly öl­çeg­dä­ki ka­gyz­la­ry aý­ra­tyn­lyk­da ýer­leş­di­rip bi­ler­si­ňiz. Nä­mä­niň nire­de dur­ýan­dy­gy­ny bil­se­ňiz, ony tap­mak kyn bol­maz. Komp­ýu­ter­dä­ki mag­lu­mat­la­ry­ňy­zy hem aý­ra­tyn­lyk­da go­ýup biler­si­ňiz!

Okuw es­bap­la­ry­ňy­za bel­lik ediň!
Ruç­ka, ga­lam, çyz­gyç, ga­lam gu­tu­sy, reňk se­riş­de­si ýa­ly okuw es­bap­la­ry­ňy­za bel­lik ediň! Ge­rek­li­si­ne ady­ňy­zy ýa­zyň! Ady­ňy­zyň ýe­ri­ne dür­li şe­kil­ler­den we reňk­ler­den hem bel­lik edip bi­ler­si­ňiz!

Okuwdan öň dynç alyň!
Okuw­dan bir-iki gün öň söw­da mer­kez­le­ri­ne ýa-da ba­zar­la­ra gi­dip köp wagt ge­çir­mäň! Umu­man, oku­wyň öň ýa­ny ýa­da­mak mas­la­hat be­ril­me­ýär. Ir ýa­typ, ir tur­ma­gy, er­tir­lik edin­me­gi en­dik edi­niň! Çalt taý­ýar bol­ýan na­har­lary iý­mäň, öý­de iýip-içiň! Te­le­wi­zor, te­le­fon we komp­ýu­ter ýa­ly zat­la­ra az­rak güý­me­niň! Wag­ty­ňy­zy ki­tap okap, pazzl, küşt, şaş­ka ýa­ly paý­has oýun­la­ry oý­nap we maş­ga­la ag­za­la­ry­ňyz ýa-da deň-duş­la­ry­ňyz bi­len gür­rüň­deş bo­lup ge­çi­riň! Egin-eşik­le­ri­ňi­zi edil oku­wa git­jek ýa­ly ge­ýip gö­rüň! Okuw es­bap­la­ry­ňy­zy taý­ýar ediň! Ola­ry ge­rek wag­ty ta­p­ma­sa­ňyz ün­sü­ňiz bö­lü­ner. Tä­ze okuw ýy­lyn­daky tä­ze ders­ler si­ziň üçin nä­ta­nyş bo­lup bi­ler. Is­len­dik ders­de dü­şün­me­dik za­dy­ňy­zy mu­gal­ly­my­ňyz­dan so­ra­ma­ly­dy­gy­ny unut­maň!

Şah­sy aras­sa­çy­lyk düz­gün­le­ri­ni ber­jaý ediň!
Ýan­tor­ba­ňyz­da ge­rek­li aras­sa­çy­lyk se­riş­de­le­ri­niň bol­ma­ly­dy­gy­ny unut­maň. Çyg­ly sü­pür­giç­le­ri ula­na­ny­ňyz­dan soň­ra ýö­ri­te zi­bil gu­tu­sy­na atyň! Is­len­dik za­dy çem ge­len ýe­re ok­la­maň! Ula­ga, jem­gy­ýet­çi­lik ula­gy­na mü­ne­ni­ňiz­de se­re­sap bo­luň! Jem­gy­ýet­çi­lik ula­gyn­da ýantor­ba­ňy­zy ýa­ny­ňyz­dan aýyr­maň, ony bel­len­me­dik ýer­de goý­maň! Ýol he­re­ke­ti­niň ka­da­la­ry­ny berk ber­jaý ediň! Öý­den mek­de­be, mek­dep­den öýe ge­lnen­de, il­ki bi­len el-ýü­zü­ňi­zi ýu­wuň! Öýe ge­le­ni­ňiz­de egin-eşik­le­ri­ňi­zi, ýantor­ba­ňy­zy ter­tip­li goý­ma­gy unut­maň!

Gyzykly bolup bilerЕЩЕ ОТ АВТОРА