Ýeňil atletika boýunça geçirilen Göwher liganyň (Diamond League) nobatdaky tapgyrynda 2 rekord hasaba alyndy. Belgiýanyň Brýussel şäherinde geçirilen ýeňil atletika bäsleşikleriniň birinde, has takygy, 1 sagat ylgaw ýaryşynda britaniýaly ylgaýjy Mo Farah dünýä rekordyny goýdy. Ol 1 sagadyň dowamynda 21 330 metr aralygy geçip, efiopiýaly Haýle Gebreselassiniň 2007-nji ýyldaky rekordyny täzeledi (21 285 m). Şeýle-de şu ýaryşyň dowamynda belgiýaly Başir Abdi 20 000 metr aralygy 56 minut 20,2 sekuntda geçip, ol hem Haýle Gebreselassiniň 2007-nji ýyldaky rekordyny täzelemegi başardy (56 minut 26 sekunt).
