Tennis boýunça möwsümiň jemleýji ýaryşynda russiýaly Daniil Medwedew ýeňiş gazandy. Ol Londonda geçirilen “ATP Finals” ýaryşynyň finalynda awstriýaly Dominik Timden 2:1 üstün çykdy. 1-nji setde 6:4 öňe saýlanan Tim 2-nji setde 7:6 hasabynda ýeňlişe sezewar boldy. Çekeleşikli geçen final setinde 6:4 üstün çykan Medwedew kubogy eýelemegi başardy. Şunlukda, ol ilkinji gezek möwsümiň jemleýji ýaryşynda ýeňiş gazandy. Bu onuň karýerasyndaky 9-njy çempionlygydyr. Ol şol bir wagtyň özünde ol 2009-njy ýyldan bäri, Nikolaý Dawydenkodan soň bu ýaryşda çempionlyk gazanan ilkinji russiýaly tennisçi boldy.
