UEFA Milletler Ligasynyň final tapgyrynyň bijeleri çekildi. Çekilen bijä laýyklykda, ýarym finalda Italiýa bilen Ispaniýanyň hem-de Belgiýa bilenem Fransiýanyň ýygyndylary duşuşar. Italiýa bilen Ispaniýanyň arasyndaky oýun 2021-nji ýylyň 6-njy oktýabrynda Milandaky “San Siro” stadionynda oýnalar. Belgiýa bilen Fransiýanyň arasyndaky duşuşyk bolsa, 2021-nji ýylyň 7-nji oktýabrynda Turindäki “Allianz” (“Ýuwentus”) stadionynda geçiriler. Ýeňijiler 10-njy oktýabrda Milanda oýnaljak finalda duşuşarlar. 3-nji ýer üçin oýun bolsa, 10-njy oktýabrda Turinde oýnalar.
UEFA Milletler Ligasy 2-nji gezek geçirilip, Portugaliýada guralan 1-nji bäsleşikde Portugaliýanyň ýygyndysy kubogy eýeläpdi.
