Bütindünýä ýeňil atletika bileleşigi (WA) ýylyň ýeňil atletikaçylaryny mälim etdi. Erkekleriň arasynda şwesiýaly Armand Duplantis, zenanlaryň arasynda wenesuelaly Ýulimar Rohas ýeňiji boldy.
Duplantis üsti ýapyk desgalarda 6,17 hem-de 6,18 metr beýiklige böküp, bir hepdäniň dowamynda 2 gezek dünýä rekordyny täzeläpdi. Şeýle-de ol, Sergeý Bubkanyň 6,14 metrlik rekordyny hem 6 metr 15 santimetr beýiklik bilen öz adyna geçiripdi. 21 ýaşly Duplantis bu hormata laýyk görlen iň ýaş ýeňil atletikaçy hökmünde hasaba alyndy.
Ýylyň zenan ýeňil atletikaçysy saýlanan Ýulimar Rohas şu ýylyň dowamynda üsti ýapyk desgada 15,43 metre böküp, dünýä rekordyny täzeläpdi. Olimpiýa oýunlarynyň wise-çempiony, 25 Rohas bu hormata laýyk görlen ilkinji wenesuelaly türgen boldy.
