Italiýanyň çempionatynda “Milan” topary 10-njy tapgyrda myhmançylykda “Sampdoriýany” 2-1 hasabynda ýeňdi. “Milana” ýeňiş getiren gollary Kessi bilen Kastilýeho derwezä girizdi. Şunlukda, möwsümde 10 oýnuň 8-sinde ýeňiş gazanan “Milan” Serie A-da 22 duşuşykdan bäri ýeňilmän gelýär. Rossoneriler 1954-55 möwsüminde ilkinji 10 oýnuň 9-synda ýeňiş gazanypdy. Şol bir wagtyň özünde “Milan” topary çempionatda yzly-yzyna 30 oýunda gol geçirip, bu ugurda klubuň rekordyny goýdy.
“Milan” topary 10-njy tapgyrdan soň, 26 utuk toplap, 5 utuk aratapawudy bilen sanawda 1-nji ýerde barýar.
