Argentinada noýabr aýynyň 25-ine 60 ýaşynda aradan çykan futbolyň rowaýaty ýyldyzy Diego Armando Maradonanyň mertebesi has-da belende galdyrylar. Ýurduň senatlar palatasy rowaýaty futbolçynyň argentin pul birligi bolan pesolaryň ýüzünde suratyny goýmak barada teklip edýär. Teklip kabul edilen ýagdaýynda Maradonanyň suraty Argentina Respublikasynyň Merkezi bankynyň 1000 pesolyk kagyz pullarynyň öň tarapyna suraty goýlar. Şol pul birliginiň arka ýüzüne welin, oýunçynyň 1986-njy ýyldaky Dünýä Kubogynda Angliýanyň derwezesinden geçiren 2-nji golundan bir pursat ýerleşdiriler. Teklibi ilkinji bolup agzan senat Norma Durango bu barada: “Maradona tutuş ömründe Argentinanyň iki durmuşyna wekilçilik etdi. Ol hem kaşaň ýerlerde, hem-de köçelerde halk bilen ýaşady. Onuň pul birliginde suratynyň bolmagy jahankeşdeler üçinem gymmatbahaly ýatlama bolar” diýip, beýanat berdi. Teklip kabul edilen ýagdaýynda Maradona Latyn Amerikasynda suraty pula goýlan ilkinji futboly bolar.
