UEFA Çempionlar ligasynda “D” toparçada “Aýaks” öz meýdançasynda “Atalantadan” 1-0 asgyn geldi. Bu ýeňişden soň, “Atalanta” taryhynda 2-nji gezek gatnaşýan ýaryşynda yzly-yzyna 2-nji sapar 1/8 finala çykmagy başardy. Italýan klubuna ýeňiş getiren ýeke-täk goly 85-nji minutda Luis Muriel derwezä girizdi. Mundan 2 ýyl öň ýarym finala çenli çykan “Aýaks” bolsa, ýoluny Ýewropa ligasynda dowam etdirer.
Toparçadaky beýleki oýunda “Midtýulland” bilen “Liwerpul” 1-1 (Şolz 62 p – Salah 1) deňme-deň oýnady. Oýnuň 55-nji sekuntynda tapawutlanan Mohammed Salah Çempionlar ligasynda iň çalt wagtda gol geçirilen liwerpully futbolçy boldy. Ol şol birwagtyň özünde “Liwerpulyň” UÇL-däki iň netijeli 2 oýunçysynyň biri boldy. Salah bu ugurda 22 golly Stiwen Jerrard bilen rekordy paýlaşýar.
“C” topardaky oýunlarda “Mançester Siti” öz meýdançasynda “Marseli” 3-0 (Torres 48, Aguero 77, Alwaro 90 ö.d.), “Porto” bolsa myhmançylykda “Olimpiakosy” 2-0 (Otawio 10 p, Uribe 77) ýeňdi.
“A” toparçada-da “Bawariýadan” soň, 1/8 finala ýollanma alan 2-nji topar “Atletiko” boldy. Madridliler myhmançylykda “Red Bull Salsburgy” Hermoso (39) hem-de Karraskonyň (86) gollary bilen 2-0 ýeňdi. “Atletiko Madrid” 9-njy gezek 1/8 finalda çykyş eder. “Bawariýa” hem edil şol hasap bilen öz meýdançasynda “Lokomotiw Moskwadan” üstün çykdy. Nemes toparynyň gollaryny Sule (63) bilen Çupo-Moting (80) derwezä girizdi.
