Häzirki wagtda 88,283 utuk bilen UEFA-nyň sanawynda iň öňde barýan Ispaniýanyň klublary Çempionlar hem-de Ýewropa ligalarynda 100 göterimlik şowly çykyş etdiler. Ýagny Ispaniýanyň adyndan wekilçilik edýän 7 klub hem ýoluny dowam edýär. Olar UEFA-nyň klub derejesindäki 2 ýaryşynda-da bahar paslyndaky duşuşyklarda hem çykyş ederler. Çempionlar ligasynda 4, Ýewropa ligasynda-da 3 kluby bolan ispan klublary ýeke säwlik hem bermediler. Çempionlar ligasynda “Real Madrid”, “Barselona”, “Atletiko Madrid”, “Sewilýa”, Ýewropa ligasynda-da “Wilýarreal”, “Real Sosiedad” hem-de “Granada” toparçalarynda şowly çykyş edip, 2-nji tapgyrda çykyş etmäge hukuk gazandylar.
UEFA-nyň ýaryşlaryna 7 klub bilen başlan Angliýanyň bar topary-da 2-nji tapgyra çykdy. Ýöne “Mançester Ýunaýted” Çempionlar ligasynda başlap, toparçada 3-nji ýeri eýeledi we Ýewropa ligasyna goşuldy. 7 klub başlan italýan toparlaryndan “Inter” garaşylyşyndan juda ir Ýewrokuboklar bilen hoşlaşdy. Häzirki wagtda her 2 bäsleşikde-de 3 italýan topary bar.
