Ertir, ýagny 19-njy dekabrda AFK Çempionlar ligasynyň final duşuşygy oýnalar. Aşgabat wagty bilen 17:00-da başlanjak oýun Kataryň Al Wakrah şäherindäki Al Janub stadionynda geçiriler. Duşuşykda Eýranyň “Persepolis” topary bilen Günorta Koreýanyň “Ulsan Hyundai” topary duşuşar. Duşuşyga katarly Abdulrahman Al-Jassim eminlik eder. Bu iki toparyň 2-nji final duşuşygy bolar. “Persepolis” 2018-nji ýyldaky finalda ýapon topary “Kaşima Antlersden” asgyn gelipdi. “Ulsan Hyundai” topary bolsa, 2012-nji ýylda finalda Saud Arabystanynyň “Al-Ahli” toparyny 3-0 ýeňipdi.
