Fransiýanyň soňky çempiony, häzirki wagtda sanawda 2-nji hatarda barýan PSŽ topary germaniýaly tälimçisi Tomas Tuheli wezipesinden boşatdy. Bu barada Ýewropanyň öňdebaryjy sport neşirleri habar berýär. Habary häzirlikçe iki tarap hem resmi ýagdaýda tassyklamady. Ýöne çykan habarlara görä, tälimçiniň topara goşandyndan nägile bolan klub ýolbaşçylary ony şertnamasynyň tamamlanmagyna 6 aý galanda, klubdan ugratdylar. Topar şertnamanyň galan möhleti üçin 7 million ýewro möçberindäki öweztölegi hem bermäge razy bolupdyr. Tuhel toparyň tälimçiligine 2018-nji ýylda bellenilip, ol kluba 2-si “Ligue 1”-iň çempionlygy, jemi 6 kubok gazandyrdy. PSŽ onuň tälimçiliginde şu ýyl UEFA Çempionlar ligasynyň finalyna hem çykypdy. Tuheliň ornuna argentinaly Maurizio Poçettinonyň PSŽ-niň täze tälimçisi bolmagyna garaşylýar.
