“Ýuwentus” toparynyň portugaliýaly super ýyldyzy Kristiano Ronaldo “Globe Soccer Awards” tarapyndan XXI asyryň futbolçysy (2000-2020) diýlip saýlandy. Ol bu ugurda Lionel Messi, Muhammed Salah hem-de Ronaldinio dagydan tapawutlandy. “Mançester Sitiniň” ispaniýaly tälimçisi Pep Guardiola asyryň tälimçisi, “Real Madrid” kluby-da asyryň topary diýlip saýlandy.
Dubaýda geçirilen dabarada ýylyň futbolçysy baýragyna-da “Bawariýanyň” polşaly hüjümçisi Robert Lewandowski laýyk görüldi. Ýylyň topary saýlanan “Bawariýanyň” tälimçisi Hans-Diter Flik ýylyň tälimçisi hökmünde baýraga mynasyp boldy. Dabaranyň dowamynda ispaniýaly derwezeçi Iker Kasilýasa hem-de goragçy Žerar Pike iň gowy karýera baýragy gowşuryldy.
“Globe Soccer Awards” baýraklary 2010-njy ýyldan bäri gowşurylyp gelinýär.
