Ispaniýanyň “La Ligasynda” “Barselona” topary myhmançylykda “Hueskany” 1-0 hasabynda ýeňdi. Katalonlara ýeňiş getiren ýeke-täk goly Lionel Messiniň pasy bilen 27-nji minutda Frenki de Ýong derwezä girizdi. Duşuşykda çykyş eden Lionel Messi “Barselonadaky” 500-nji duşuşygy geçirdi. Şol birwagtyň özünde bu oýun onuň Barselonadaky 750-nji duşuşygy hökmünde hem hasaba alyndy. Messi “Barselonanyň” “La Ligada” iň köp duşuşyk geçiren 2-nji futbolçysy bolup, Hawi Hernandes 505 duşuşyk bilen 1-nji hatarda barýar. Şeýle-de bu ugurda “La Ligada” iň köp duşuşyk geçiren futbolçy “Atletik”, “Barselona”, “Walensiýa” ýaly klublarda oýnan meşhur derwezeçi Andoni Zubizarette bolup, ol 622 La Liga duşuşygynda meýdança çykdy.
Ispaniýanyň “La Ligasynda” 17-nji tapgyrda “Atletiko Madrid” myhmançylykda “Alawesden” 2-1 üstün çykyp, liderligi 1 günden soň “Real Madridden” yzyna aldy. “Atletiko” toparyna ýeňiş getiren gollary Llorente bilen Luiz Suares derwezä girizdi.
