BMG-niň se­bit mer­ke­zin­de met­bu­gat ýyg­na­gy

6-njy ýanwarda paýtagtymyz Aşgabatda Birleşen Milletler Guramasynyň Merkezi Aziýa üçin Öňüni alyş diplomatiýasy boýunça sebit merkeziniň edara binasynda 2020-nji ýylyň jemlerine bagyşlanan metbugat ýygnagy geçirildi. Oňa ýurdumyzyň köpçülikleýin habar beriş serişdeleriniň hem-de Türkmenistanda işleýän daşary ýurtly köpçülikleýin habar beriş serişdeleriniň wekilleri gatnaşdylar. Şeýle hem bu ýygnaga Merkezi Aziýadan we Owganystan Yslam Respublikasyndan 23 habarçy onlaýn tertipde gatnaşdy.

Met­bu­gat ýyg­na­gyn­da BMG-niň Mer­ke­zi Azi­ýa üçin Öňü­ni alyş dip­lo­ma­ti­ýa­sy bo­ýun­ça se­bit mer­ke­zi­niň ýol­baş­çy­sy, BMG-niň Baş sek­re­ta­ry­nyň ýö­ri­te we­ki­li Na­tal­ýa Ger­man çy­kyş et­di. Ol çä­rä gat­na­şy­jy­la­ra 2020-nji ýy­lyň mö­hüm wa­ka­la­ry we ýe­ti­len sep­git­le­ri ba­ra­da gür­rüň ber­di hem-de Mer­ke­zi Azi­ýa ýurt­la­ry­nyň ara­syn­da­ky sy­ýa­sy, söw­da-yk­dy­sa­dy we me­de­ni-yn­san­per­wer ul­gam­la­ryn­da­ky hyz­mat­daş­ly­gyň de­re­je­si­ne ýo­ka­ry ba­ha ber­di.
Öz çy­ky­şy­nyň bar­şyn­da ha­nym Ger­man ge­çen ýy­lyň 12-nji de­kab­ryn­da Türk­me­nis­ta­nyň he­mi­şe­lik Bi­ta­rap­ly­gy­nyň 25 ýyl­ly­gy my­na­sy­bet­li Aş­ga­bat­da ge­çi­ri­len «Bi­ta­rap­lyk sy­ýa­sa­ty we onuň hal­ka­ra pa­ra­hat­çy­ly­gy, howp­suz­ly­gy we dur­nuk­ly ösü­şi üp­jün et­mek­dä­ki äh­mi­ýe­ti» at­ly hal­ka­ra mas­la­ha­tyň jem­le­ri bo­ýun­ça ka­bul edi­len Aş­ga­bat jem­leý­ji res­mi­na­ma­sy­na aý­ra­tyn äh­mi­ýet ber­di. Mä­lim bol­şy ýa­ly, bu res­mi­na­ma BMG-niň res­mi dil­le­rin­de ne­şir edil­di we BMG-niň Baş As­samb­le­ýa­sy­nyň 75-nji mej­li­si­niň hem-de Howp­suz­lyk Ge­ňe­şi­niň res­mi­na­ma­sy hök­mün­de ýaý­ra­dyl­dy.
«Jem­leý­ji res­mi­na­ma­da dün­ýä ýurt­la­ry­nyň ara­syn­da pa­ra­hat­çy­lyk­ly, dost­luk­ly we öza­ra bäh­bit­li gat­na­şyk­la­ryň ös­dü­ril­me­gin­de bi­ta­rap­lyk sy­ýa­sa­ty­nyň aý­ra­tyn or­nu­nyň öz be­ýa­ny­ny ta­pan­dy­gy­ny bel­le­mek ze­rur­dyr. Ol se­bit we glo­bal de­re­je­de hal­ka­ra pa­ra­hat­çy­ly­gy­nyň hem-de howp­suz­ly­gy­nyň pug­ta­lan­dy­ryl­ma­gy­na ýar­dam ed­ýär» di­ýip, ha­nym Ger­man aýt­dy.
Şeý­le-de bi­ta­rap­lyk sy­ýa­sa­ty­nyň Öňü­ni alyş dip­lo­ma­ti­ýa­sy­nyň gu­ral­la­ry­nyň hem­me­ta­rap­la­ýyn ula­nyl­ma­gy­na ça­gyr­ýan­dy­gy hem bel­le­ni­lip ge­çil­di, ol bol­sa da­wa­la­ryň öňü­niň alyn­ma­gyn­da we pa­ra­hat­çy­lyk dö­re­di­ji­lik pro­ses­le­rin­de BMG-niň esa­sy we­zi­pe­le­ri­niň bi­ri bo­lup dur­ýan­dyr.
Şeý­le-de öz çy­ky­şyn­da N.Ger­man BMG-niň Baş As­samb­le­ýa­sy­nyň Türk­me­nis­ta­nyň Pre­zi­den­ti­niň baş­lan­gy­jy bo­ýun­ça ka­bul edi­len «2021-nji ýyl – Hal­ka­ra pa­ra­hat­çy­lyk we yna­nyş­mak ýy­ly» at­ly Ka­rar­na­ma­sy­nyň äh­mi­ýe­ti­ni hem nyg­tap geç­di.
Ha­nym Ger­man bu res­mi­na­ma­ny «Hal­ka­ra pa­ra­hat­çy­lyk we yna­nyş­mak ýy­ly» şy­ga­ry bi­len geç­ýän 2021-nji ýyl üçin öz­bo­luş­ly köp­ri ha­sap­la­ýan­dyk­la­ry­ny aý­dyp, üs­tü­miz­dä­ki ýy­lyň bu şy­ga­ry türk­men Li­de­ri­niň baş­lan­gy­jy bi­len 2019-njy ýy­lyň 12-nji sent­ýab­ryn­da BMG-niň Baş As­samb­le­ýa­syn­da ka­bul edi­len «2021-nji ýyl – Hal­ka­ra pa­ra­hat­çy­lyk we yna­nyş­mak ýy­ly» at­ly Ka­rar­na­ma esa­syn­da bi­ra­gyz­dan yg­lan edi­len­di­gi­ni bel­le­di.