Hormatly Prezidentimiziň taýsyz tagallasy bilen gülläp ösýän, häzirki döwürde sebitde parahatçylyk dörediji merkeze, halkara ylmy-amaly maslahatlaryň geçirilýän ýerine öwrülen ak şäherimiz Aşgabat ähli döwürleriň iň ajaýyp şäherleriniň biridir. Ol özüniň ajaýyplygy, tämizligi, arassalygy, kaşaň ymaratlary bilen göreni özüne maýyl edýär. Soňky ýyllarda paýtagtymyzyň dürli ýerlerinde gurulýan ajaýyp durmuş we medeni maksatly binalar halkymyzyň Aşgabat şäherine bolan söýgüsini has-da goşalandyryp, göwünlerini göterýär.

«Türk­me­nis­ta­nyň at ga­za­nan ar­hi­tek­to­ry» di­ýen hor­mat­ly adyň eýe­si bo­lan Gah­ry­man Ar­ka­da­gy­my­zyň pa­ra­sat­ly şä­her­gur­lu­şyk mak­sat­na­ma­sy­na la­ýyk­lyk­da, Aş­ga­ba­dyň dur­muş dü­zü­mi yzy­gi­der­li kä­mil­leş­di­ril­ýär. Ra­ýat­la­ry­my­zyň iş­le­me­gi, oka­ma­gy, dynç al­ma­gy, sport, dö­re­di­ji­lik bi­len meş­gul­lan­ma­gy, döw­re­bap söw­da, dynç alyş we sa­gal­dyş hyz­mat­la­ryn­dan peý­da­lan­ma­gy üçin ze­rur şert­le­riň dö­re­dil­me­gi bi­len bag­la­ny­şyk­ly iş­ler hor­mat­ly Pre­zi­den­ti­mi­ziň he­mi­şe üns mer­ke­zin­de dur­ýar. Hormatly Prezidentimiziň taý­syz ta­gal­la­sy bi­len her bir tä­ze bi­na­da ata-ba­ba­la­ry­myz­dan mi­ras ga­lan bi­na­gär­lik sun­ga­ty­nyň aja­ýyp nus­ga­la­ry hä­zir­ki za­man ül­ňü­le­ri bi­len saz­la­şyk­ly ut­gaş­dy­ryl­ýar.
Mil­li Li­de­ri­miz ýy­gy-ýy­gy­dan paý­tag­ty­my­za iş sa­par­la­ry­ny ama­la aşy­ryp, gu­rul­ýan tä­ze yma­rat­la­ryň gur­lu­şy­gy bi­len yzy­gi­der­li gy­zyk­lan­ýar. Ýa­kyn­da hem mil­li Li­de­ri­miz paý­tag­ty­my­zyň gö­zel kün­jek­le­ri­niň bi­rin­de bi­na edil­ýän we Wa­ta­ny­my­zyň mu­kad­des Ga­raş­syz­ly­gy­nyň 30 ýyl­lyk baý­ra­my my­na­sy­bet­li ula­nyl­ma­ga be­ril­me­gi me­ýil­leş­di­ril­ýän Söw­da we dynç alyş mer­kez­li des­ga­lar top­lu­my­nyň gur­lu­şy­gy­ny syn­la­dy. Bu aja­ýyp toplum şä­he­ri­mi­ziň gör­kü­ne görk go­şup, özün­de jem­le­ýän san­ly ul­ga­myň iň soň­ky ga­za­nan­la­ry bi­len il­deş­le­ri­mi­ze söw­da we dur­muş hyz­mat­la­ry­nyň aň­ry­baş de­re­je­si­ni hö­dür­lär.
Bu ýer­de gu­rul­ýan ja­şa­ýyş jaý­la­ry­nyň ozal­ky­lar­dan ta­pa­wut­ly­lyk­da 6-7 otag­dan yba­rat bol­ma­gy köp ça­ga­ly maş­ga­la­lar üçin edil­ýän ala­da­la­ryň öz­bo­luş­ly ny­şa­ny­dyr. Ak mer­mer­li paý­tag­ty­my­zyň iň owa­dan kün­jek­le­ri­niň bi­rin­de gu­rul­ýan bu bi­na­ny hormatly Prezidentimiziň «Aş­ga­bat» di­ýip at­lan­dyr­mak ba­ra­da­ky tek­li­bi hal­ky­my­zyň gö­wün­le­ri­ni gal­kyn­dyr­dy. Dün­ýä­niň owa­dan we ýa­şa­ýyş üçin amat­ly şert­le­ri özün­de jem­le­ýän şä­her­le­ri­niň ha­ta­ryn­da or­nu­ny bar­ha pug­ta­lan­dyr­ýan Aş­ga­bat tä­sin bi­na­gär­lik çöz­güt­le­re eýe bo­lan öz­bo­luş­ly des­ga­la­ry bi­len bir­nä­çe ge­zek Gin­ne­siň bü­tin­dün­ýä re­kord­lar ki­ta­by­na gi­ri­zil­di.
Paý­tag­ty­myz Aş­ga­bat äh­li dö­wür­ler­de hem dö­re­di­ji­lik äle­min­de giň­den wasp edil­di we edi­lip ge­lin­ýär. Şo­ňa gö­rä-da, mil­li Li­de­ri­mi­ziň «Türk­me­nis­tan – pa­ra­hat­çy­ly­gyň we yna­nyş­ma­gyň Wa­ta­ny» şy­ga­ry as­tyn­da geç­ýän ýyl­da mu­kad­des Ga­raş­syz­ly­gy­my­zyň 30 ýyl­ly­gy we Aş­ga­bat şä­he­ri­niň esas­lan­dy­ryl­ma­gy­nyň 140 ýyl­ly­gy my­na­sy­bet­li me­de­ni­ýet we sun­gat iş­gär­le­ri­niň ara­syn­da dö­re­di­ji­lik bäs­le­şi­gi­ni gu­ra­mak ba­ra­da­ky baş­lan­gy­jy hem giň ses­len­me dö­ret­di.
Hor­mat­ly Pre­zi­den­ti­mi­ziň ak mer­mer­li Aş­ga­ba­da ba­gyş­la­nyp dö­re­dil­jek aý­dy­myň goş­gu­sy­nyň, sa­zy­nyň we aý­dy­my ýe­ri­ne ýe­ti­ri­ji­niň saz­la­şy­gyn­dan dö­re­me­li­di­gi, onuň hal­ky­my­zyň be­lent ru­hu­na ky­bap gel­me­li­di­gi, on­da paý­tag­ty­my­zyň ila­ty­nyň bag­ty­ýar dur­mu­şy­nyň öz be­ýa­ny­ny tap­ma­ly­dy­gy ba­ra­da­ky aý­dan söz­le­ri owa­dan we ýa­şa­ýyş üçin amat­ly şert­le­ri özün­de jem­le­ýän Aş­ga­ba­dyň bag­ty­ýar­ly­gyň we ber­ka­rar­ly­gyň ny­şa­ny­dy­gy­ny ýe­ne-de bir ge­zek aý­dyň gör­kez­di.
Ber­ka­rar döw­le­ti­mi­ziň bag­ty­ýar­lyk döw­rün­de paý­tag­ty­myz­da bi­na edil­ýän tä­ze önüm­çi­lik, me­de­ni-dur­muş, ylym-bi­lim, sag­lyk we sport des­ga­la­ry, be­lent ýa­şa­ýyş jaý­la­ry ak şä­he­ri­mi­ziň gör­kü­ne görk goş­ýar. Hormatly Prezidentimiziň baş­lan­gy­jy esa­syn­da her ýy­lyň 25-nji ma­ýyn­da Aş­ga­bat şä­he­ri­niň gü­nü­niň baý­ram edil­me­gi paý­tag­ty­my­zyň keş­bin­de öz be­ýa­ny­ny ta­pan oňyn öz­gert­me­le­riň ge­ri­mi­ni äş­gär ed­ýär. Ak şä­he­ri­mi­ziň ak mer­mer­den bi­na bol­ýan keş­bi – ak bag­ty­my­zyň be­ýa­ny. Aş­ga­bat – aja­ýyp­ly­gyň şä­he­ri.

Baý­ram YL­ÝA­SOW,
Türk­me­nis­ta­nyň Döw­let ener­ge­ti­ka ins­ti­tu­ty­nyň mu­gal­ly­my.

Gyzykly bolup bilerЕЩЕ ОТ АВТОРА