Italiýaly suratkeş Sandro Bottiçelliniň “Young man holding a medallion” atly eseri 28-nji ýanwarda Nýu Ýorkdaky “Sotheby” auksion öýünde satuwa çykaryldy. Onlaýn görnüşinde geçirilen düýnki auksionda “Young man holding a medallion” atly eseri 92 million 184 müň dollara satylandygy habar berilýär. Satyn alan şahsyýetiň kimdigi barada maglumat berilmedi. Üstünlik getiren bu portret Bottiçelliniň gymmat eseri bolmagy bilen “Sotheby” auksion öýüniň hem iň gymmatly eserleriniň birine öwrüldi. Portret mundan öň 1982-nji ýylda auksiona çykarylypdy, şol wagt 1,3 million dollara satylypdy. Auksiony guraýjylar portretiň 80 million dollara satyn alynmagyna garaşýardylar. Şeýle-de, düýnki auksionda “Sotheby” auksion öýüniň umumy girdejisi 114,5 million dollara barabar boldy.
