Amerikan futbolynyň final oýny bolan 55-nji Super Bowl duşuşygynda “Tampa Beý Bakkanirs” ýeňiş gazandy. Floridalylar finalda geçen ýylyň çempiony “Kanzas Siti Çifs” toparyndan 31:9 hasabynda üstün çykmagy başardy. Floridadaky Tampa şäherinde ýerleşýän Raymond James stadionynda oýnalan duşuşykda adaty möwsümde hüjüm etmekde tapawutanan topary “Kanzas Siti Çifs” finalda hüjüm geçirmekde kynçylyk çekdi. Ilkinji ýarymda 21:9 öňe saýlanan “Tampa Beý” netijede 31:9 hasap bilen ýeňiş gazanyp, 2003-nji ýyldan soň 2-nji gezek Super Bowl kubogyny eýeledi. Toparyň super ýyldyzy Tom Bredi 10-njy Super Bowl duşuşygynda 7-nji gezek çempionlyk gazandy. 43 ýaşyndaky rowaýaty oýunçy 5-nji gezek hem iň gymmatly oýunçy diýlip saýlandy. Bredi iki ugurda-da öz rekordyny täzeledi. Ol “Nýu Ingland Patriots” kluby bilen 20 ýylda Super Bowlda 6 çempionlyk gazanyp, 3 sapar hem ýeňlipdi. Şeýlelikde, Tom Bredi NFL-däki iň köp Super Bowl kubogyny gazanan klublardan hem köp çempionlyk gazanmagy başardy. “Nýu Ingland Patriots” bilen “Pittsburg Stilers” toparlary 6 gezek Super Bowlda çempionlyk gazanyp, öňde barýarlar. Ýöne Toni Brediniň 7 Super Bowl kubogy bar.
ABŞ-nyň iň uly sport çäresi bolan Super Bowl duşuşygyna pandemiýa sebäpli 24835 janköýer alyndy.
