Ýaşyl meýdançalaryň iň köp girdeji gazanýan ýyldyzlarynyň biri bolan Kristiano Ronaldo futboldan daşary ýagdaýda-da ep-esli gazanmagy başarýar. Tutuş dünýä boýunça sosial media ulgamlarynda iň köp yzarlaýjysy bolan Kristiano Ronaldonyň Instagram-da paýlaşýan ýekeje suratynyň bahasy 1 million 250 müň dollara deňdir. Häzirki wagtda tutuş dünýäde iň köp girdeji gazanan futbolçylaryň sanawynda birinji orunda barýan Ronaldonyň umumylykda sosial media ulgamlarynda 500 milliondan gowrak yzarlaýjysy bolup, ol Ýer şarynda sosial media arkaly iň köp yzarlanýan şahsyýetdir.
Paýlaşýan ýekeje suraty boýunça girdeji gazanmakda Ronaldodan soň onuň ezeli “bäsdeşi” Lionel Messi 2-nji ýerde barýar. Argentinaly super ýyldyz paýlaşýan ýeke suraty üçin 881 müň dollarlyk gazanç edýär. Neýmar 709 müň dollar bilen 3-nji, amerikaly basketbolçy LeBron Jeýms 384 müň dollar bilen 4-nji, ozalky futbolçy Dewid Bekham 319 müň dollar bilen 5-nji hem-de kolumbiýaly futbolçy Hames Rodriges 228 müň dollarlyk gazanjy bilen 6-njy ýeri eýeleýär.
