Amerikanyň Beýsbol Ligasy MLB-niň “San Diego Padres” topary oýunçysy Fernando Tatis Junior bilen 14 ýyllyk şertnama baglaşdy. Bu geleşik beýsbol sportunyň taryhyndaky iň uzak möhletli şertnama hökmünde hasaba alyndy. Bu ugurda ondan öňki rekord 13 ýyl bolup, ol 2 beýsbolça degişlidi. 2014-nji ýylda Jankarlo Stenton “Maýami” bilen, 2019-njy ýylda-da Brýus Harper “Filadelfiýa” bilen 13 ýyllyk şertnama baglaşypdy.
14 ýyl üçin 340 million dollar alar
22 ýaşly Fernando Tatis Jr. 13 ýyl üçin toparyndan 340 million dollar hak alar. Bu görkeziji MLB-däki iň ýokary 3-nji görkezijidir. Beýsbolda şu wagta çenli ýokary tölegli şertnama 2019-njy ýylyň martynda hasaba alyndy. Şondan Maýk Trout “Los Anjeles Enjels” bilen 426,5 million dollarlyk şertnama baglaşypdy. “Los Anjeles Dojers” bilen 12 ýyl üçin 365 million dollarlyk şertnama gol çekişen Muki Betts 2-nji ýerde barýar.
