Futbol äleminiň täze ýyldyzlaryndan norwegiýaly hüjümçi Erlin Holannyň maşgalasyndan bäsdeşi peýda boldy. “Borussiýa Dortmund” toparynyň ýyldyzy Holannyň doganoglany Albert Braut Týalann soňky wagtlarda görkezýän şowly çykyşy bilen köpleriň ünsüni özüne çekýär. Holann nemes klubuna transfer bolanyndan bäri 45 oýunda 43 gol geçirdi. Norwegiýaly maşgalanyň täze golçusy Týalann bolsa “Molde” toparynyň U19 toparynyň düzüminde oýnan 37 duşuşygynda 64 gol goly öz adyna ýazdyrdy. Edil Holann ýaly “Bryne” klubunda futbola başlan we 3 hepde öň 17 ýaşyny dolduran Týalann geçen tomusda “Molde” toparyna transfer bolupdy. Týalann ortaça 1,72 gol geçirip, doganoglany Holanndan ýokary netije görkezdi.
