Şotlandiýanyň çempionaty “Premiership”-de çempion belli boldy. 32-nji tapgyrda “Seltigiň” myhmançylykda “Dandi Ýunaýted” bilen golsuz deňme-deň oýnamagyndan soň, sanawyň lideri “Reýnjers” çempionlygyny yglan etdi. 68 utugy bolan “Seltigiň” çempion bolmak mümkinçiligi galmady we 20 utuk öňde barýan “Reýnjers” 10 ýyldan soňky ilkinji, umumylykda-da 55-nji çempionlygyny gazandy. Soňky gezek 2011-nji ýylda çempion bolan “Reýnjers” şondan soň, 4-nji liga düşürildi we 2016-njy ýyldan täzeden “Premiership”-e dolanypdy.
Topara 2,5 ýyldan bäri tälim berýän Stiwen Jerard hem tälimçigiliginde ilkinji kubogyny eýeledi. Ýeňlişsiz we adaty möwsümiň tamamlanmagyna 6 tapgyr galanda çempionlyga ýeten “Reýnjers” 32 oýunda 28 ýeňiş gazanyp, 4 oýunda-da deňme-deň oýnady.
