Angliýanyň çempionatynda soňky çempion “Liwerpulyň” pese gaçyşlygy dowam edýär. Topar öz meýdançasynda ýeňiş gazanmaga beýle-de dursun, gol geçirmekde-de juda kynçylyk çekýär. Şu ýyla geçip öz meýdançasynda diňe 1 gol geçiren “Liwerpul” “Anfield” Fulhamy kabul edip 1-0 hasabynda ýeňildi. “Fulhama” ýeňiş getiren ýeke-täk goly 45-nji minutda Lemina derwezä girizdi.
“Liwerpul” soňky gezek öz meýdançasynda geçen ýylyň 16-njy dekabrynda “Tottenhamy” 2-1 ýeňipdi. Öz meýdançasynda 8 oýundan bäri ýeňiş gazanyp bilmeýän “Liwerpul” taryhynda ilkinji gezek Anfield”-de yzly-yzyna 6 duşuşykda ýeňildi. Başgaça aýdylanda, 46 günden bäri ýeňlip gelýär. “Liwerpul” soňky gezek “Anfield”-de 1952-nji ýylda 10 oýunlap ýeňiş gazanyp bilmändi. Topar şol 8 oýunda 2 gol geçirdi. 2021-nji ýyla geçip, diňe 1 gol (ony-da penaltiden Mohamed Salah) geçiren “Liwerpul” öz antirekordlaryny ösdürip başlady. Topar bu ýeňlişden soň 8-nji orna düşdi.
