Futbol boýunça 2022-nji ýylda Katarda geçiriljek Dünýä Kubogy ýaryşynyň Aziýa saýlama tapgyrynyň oýunlary dünýäde emele gelen çylşyrymly ýagdaýlar sebäpli wagtlaýynça ýatyrylypdy. Şol sebäpli soňa goýlan oýunlaryň geçiriliş tertibi täzeden kesgitlendi. Türkmenistanyň milli ýygyndysy “H” toparçada çykyş edip, häzirki wagtda birinji basgançakda barýar. Ildeşlerimiziň ýene-de 3 duşuşygy bolup, olaryň ikisi onsuzam myhmançylykda oýnalmaly duşuşyklardy. Täze gelnen karara laýyklykda duşuşyklar merkezileşdirilen görnüşde oýnalar. Ýagny “H” toparçadaky galan oýunlaryň ählisi şu ýylyň iýun aýynda Koreýa Respublikasynda geçiriler. Şoňa görä, 3-nji iýunda Türkmenistanyň ýygyndysy Koreýa Respublikasy bilen, 11-nji iýunda Liwan bilen 15-nji iýunda-da KHDR-iň (Koreýa Halk Demokratik Respublikasy) ýygyndylary bilen duşuşar. Ildeşlerimiz Şri Lankanyň ýygyndysy bilen oýnan 2 oýnunda-da ýeňiş gazanypdy.
Şeýle-de beýleki toparçalaryň oýunlary degişlilikde Hytaýda (A), Kuweýtde (B), Bahreýnde (C), Saud Arabystanyda (D), Katarda (E), Ýaponiýada (F) hem-de BAE-de (G) oýnalar.
Toparçalarda öňdäki birinji orny eýelän ýygyndylar hem-de iň gowy netije görkezen ikinji ýeri eýelänler 3-nji tapgyra çykarlar.
“H” toparçanyň duşuşyklary
3-nji iýun
KHDR – Şri Lanka
Koreýa Respublikasy – TÜRKMENISTAN
7-nji iýun
Koreýa Respublikasy – KHDR
Liwan – Şri Lanka
11-nji iýun
TÜRKMENISTAN – Liwan
Şri Lanka – Koreýa Respublikas
15-nji iýun
Koreýa Respublikasy – Liwan
KHDR – TÜRKMENISTAN
| T/b | Toparlar | O | Ý | D | U | T | U |
| 1. | Türkmenistan | 5 | 3 | 0 | 2 | 8-5 | 9 |
| 2. | Koreýa Respublikasy | 4 | 2 | 2 | 0 | 10-0 | 8 |
| 3. | Liwan | 5 | 2 | 2 | 1 | 5-3 | 8 |
| 4. | KHDR | 5 | 2 | 2 | 1 | 4-3 | 8 |
| 5. | Şri-Lanka | 5 | 0 | 0 | 5 | 0-16 | 0 |
