UEFA Çempionlar ligasynda soňky 2 çärýek finalçy hem belli boldy. Birinji oýunda uly hasap bilen ýeňiş gazanan “Bawariýa” “Allianz Arenada” hem “Lasiony” ýeňlişe sezewar etdi. Kubogyň häzirki eýesi “Bawariýa” 2-1 hasabynda ýeňiş gazandy. Nemes klubuna ýeňiş getiren gollary Lewandowski (33 p) bilen Çupo-Moting (73) derwezä girizdi. “Lasionyň” ýeke-täk goluny-da 82-nji minutda Parola öz adyna ýazdyrdy. Çupo-Motingiň geçiren goly “Bawariýanyň” Ýewrokuboklardaky 1000-nji goly bolup, münhenliler bu ugurda diňe “Real Madrid” (1169) bilen “Barselonadan” (1138) yzda barýar. Şunlukda, iki oýnuň netijesi boýunça 6-1 ýeňiş gazanan “Bawariýa” 19-njy gezek çärýek finala çykdy. Nemes kluby bu ugurda “Barselonanyň” rekordyny gaýtalady.
“Çelsi” 10-njy gezek çärýek finalda
UEFA Çempionlar ligasynda 3-nji iňlis topary “Çelsi” he
m çärýek finala çykmagy başardy. Madridden 1-0 hasabynda ýeňiş bilen dolanan londonlylar “Stamford Brijde” jogapsyz 2 gol geçirdiler. Oýunda Tomas Tuheliň şägirtlerinden Hakim Ziýeş (34) bilen Emerson (90+4) tapawutlandy. Şunlukda, “Çelsi” iki oýnuň netijesi boýunça 3-0 ýeňip, umumylykda 10-njy, 7 ýyldan soň hem ilkinji gezek çärýek finala çykdy.
